29:267  267  HOMILIA  III.  268  pro  filio  nuncupare  permissum  crat:  non  tamen  cuilibet  exemplum  istud  imitari  licebat.  Verum  enim  illud  est  quod  Christus  dixit  apostolis:  Nescitis  cuius  spiritus  sitis  :  quare  hunc  vel  illum  vota  nuncupando  velle  imitari  sanctum,  et  in  speciem  quandam  prae  se  ferre  sanctimoniam  parum  est:  sed  sanctorum  virorum  imitanda  est  affectio,  ac  Dei  spiritus  invocandus,  quem  in  votis  ducem  sequamur.  Caeterum  Annae  nihil  amplius  vovere  licuit  quam  Samuelem  Deo  secundum  suam  conditionem  ministraturum.  Neque  enim  potuit  aut  debuit  Anna  constitutum  a  Deo  in  lege  ordinem  violare,  qui  fuit  sacrosanctus.  Non  itaque  vota  pro  futuro  sacerdote  Samuele  nuncupat:  quod  licuit,  vovit,  Deo  nasciturum  dicavit,  ac  sacerdoti  commisit,  secundum  suum  ordinem  in  sanctuario  ministraturum.  Ex  quibus  illud  quod  attigimus  supra  conspicuum,  Deo  solum  nuncupanda  vota  de  iis  quae  ab  ipso  accepimus,  et  quae  grata  acceptaque  sibi  fore  verbo  patefecit.  Hic  fuit  Iephtho  lapsus,  voventis  se  Deo  in  holocaustum  oblaturum,  quodcunque  primum  egrederetur  foribus  domus  suae  obviam  sibi.  Fili$  prior  occurrit:  dignus  sane  voto  exitus.  En  enim  propriae  filiae  parricidam,  scelus  detestandum  ac  plane  diabolicum,  et  quidem  specioso  religionis  nomine  tectum.  Quare  maximopere  cavendum  ne  illum  imitemur,  sed  vota  omnia  ad  Dei  voluntatis  regulam  examinanda  e>sse  sciamus.  Et  hactenus  de  parte  illa  voti,  quo  Anna  Deo  filium  marem  nasciturum  dat  dicatque  in  perpetuum  ministerium;  altera  sequitur  pars,  non  adscensuram  super  caput  eius  novaculam.  In  historiam  Samsonis  de  Nazaraeatu  dictum  est.  Quod  caesariem  alere  Nazaraeos  Deus  praecepit,  non  ideo  factum  quod  quaedam  in  illa  sanctitas  inesset,  sed,  ut  rudes  sunt  homines,  quibusdam  subsidiis,  quibus  ad  pietatem  et  ad  officium  faciendum  incitentur,  opus  habent.  Sic  Nazaraeum  oportuit  omni  potione  inebriante  abstinere,  ac  nqminatim  cervisia,  quae  delicatior  etiam  potio,  etsi  voce  hebraea  pro  vino  nonnumquam  accipitur,  sed  quum  vinum  exprimitur,  reliquae  potiones  inebriantes  intelligendae  sunt.  Quare  quum  ad  eam  austeritatem  vitae  Nazaraei  vocarentur,  ut  communibus  omnibus  deliciis  abstinere  iuberentur,  necesse  fuit  illis  ante  oculos  memoraculum  quoddam  observari,  ne  se  communibus  rebus  pollui  paterentur.  Quare  comam  alentes,  testabantur  eo  ipso  sese  totos  Dei  cultui  addictos  :  non  quidem  quod  non  reliquos  vel  infimae  conditionis  aut  aetatis  homines  oporteret  Dei  cultum  profiteri,  sed  Nazaraeorum  specialis  quaedam  ratio  fuit,  cuius  signum  ipsis  erat  caesaries,  ut  ad  officium  essent  propensiores.  Porro  papistae  ne  viui  abstinentiam  voverent  summopere  caverunt.  Nam  inter  ipsos  religiosissimi  carnibus  abstinentes,  vino  tamen  privari  se  non  ferunt:  quales  videas  Carthusianos  illos  semiangelos,  quibus  religioni  quidem  est  vel  carni-