15:267  267  EPISTOLAE  2029.2032  268  aliqui  et  sancti  libri  hic  non  inveniantur,  e  quibus  esse  mihi  quosdam  vellem,  quibus  hanc  hyemem  consumerem.  Quod  si  scirem  qua  ratione  pecuniam  solvere  possem,  aut  apud  quem  Venetiis  relinquere,  etiam  atque  etiam  abs  te  contenderem  ut  Biblia  parva  Stephani3)  cum  annotationibus,  et  si  quid  aliud  in  prophetas  sit  in  quibus  ego  lubentissime  versor,  mihi  huc  mittenda  cures.  Sed  ne  id  quidem  fieri  vellem  ullis  rationibus,  nisi  mihi  simul  etiam  significes  apud  quem  pecuniam  Venetiis  relinquam,  quum  certo  sciam  istic  mercatores  esse  quosdam  quibus  aeque  erit  si  tradatur  pecunia  ac  si  tibi  praesentem  persolvissem.  Spero  una  cum  saevitia  hyemis,  quorundam  etiam  immanitatem  terminandam,  et  ineunte  anno  me  aliquod  rebus  meis  melius  consilium  capturum.  Interim  et  res  meas  huc  apportandas  curo  quas  apud  vos  reliqui,  et  rerum  meliorum  exspectatione  omnes  fortunae  tempestates  quae  nobilissimam  insulam  exagitant  minus  graviter  fero.  Dominus  det  suis  aliquam  miseriarum  levationem  et  iactatam  ecclesiam  ad  aliquam  veram  tranquillitatem  reducat,  et  te  ecclesiis,  ecclesias  sibi  conservet.  Optime  in  Christo  valeas.  Patavii  12.  Octobris  1554.  Tui  ex  animo  studiosissimus  Ioan.  Checus.  Saluta  precor  D.  3Iarchionern,  D.  Normandie,  Hob.  Stephanum,  B.  Budeum,  fratrem  ac  sororem  tuam.  2030.  HALLERUS  BULLINGERO.  Nunciat  adventum  Fabri  nomine  Genevensium  ministrorum  de  Zebedaeo  et  sociis  querentis  et  novas  inde  nascituras  turbas  praesagit.  (Ex  autographo  Arch.  Turic.  Plut.  VI.  Vol.  154,  olim  Scrin.  B.  Epp.  Tom.  32,  fol.  203.  .  Simler.  Vol.  83.)  Clarissimo  viro  D.  Heinrycho  Bullingero  Tigurinae  ecclesiae  fidelissimo  pastori  domino  et  compatri  suo  pie  colendo.  Zurich.