1:267  INSTITUTIO  REL.  CHRIST.  1539  .  1554.  auro  non  emuntur.  Transgrediuntur  ergo  limitem,  quum  in  sacris  tantopere  auro,  argento,  ebore,  marmore,  lapillis,  sericis  delectantur,  nec  rite  Deum  coli  putant,  nisi  omnia  exquisito  splendore,  vel  potius  insano  luxu  diffluant.  Pater  erat  qui  dixit,  1)  ideo  se  libere  carnes  edere,  quo  die  caeteri  abstinebant,  quia  Christianus  esset.  Itaque  fines  transsiliunt,  quum  diris  animam  devovent,  quae  per  quadragesimam  carnem  gustaverit.  Patres  erant,  quorum  unus  dixit:  2)  monachum,  qui  manibus  suis  non  laboret,  violento,  aut  si  mavis  latroni,  iudicari  aequalem;  alter,  3)  non  licere  monachis  ex  alieno  vivere,  etiamsi  assidui  sint  in  contemplationibus,  in  orationibus,  in  studiis.  Et  hunc  limitem  transgressi  sunt,  quum  otiosos  ac  doliares  monachorum  ventres  in  lustris  ac  fornicibus  collocarunt,  qui  aliena  substantia  saturarentur.  4)  Pater  erat,  5)  qui  dixit  horrendam  esse  abominationem,  videre  depictam  vel  Christi,  vel  sancti  ullius  imaginem  in  Christianorum  templis.  Neque  id  hominis  unius  voce  pronuntiatum  est;  sed  ab  ecclesiastico  etiam  concilio  6)  decretum,  ne  quod  colitur  in  parietibus  depingatur.  Plurimum  abest  quin  se  intra  hos  fines  contineant,  quando  non  relinquunt  angulum  imaginibus  vacuum.  Alius  pater  7)  consuluit,  ut  officio  humanitatis  erga  mortuos  in  sepultura  defuncti  sineremus  eos  quiescere.  Hos  limites  perrumpunt,  quum  perpetuam  mortuorum  sollicitudinem  incutiunt.  Ex  patribus  erat  8)  qui  negavit  in  sacramento  coenae  esse  verum  corpus  sed  mysterium  duntaxat  corporis.  Sic  enim  ad  verbum  loquitur.  Igitur  modum  praetereunt  quum  localiter  illic  circumscriptum  contineri  fingunt.  9)  1)  Spiridion  in  tripert.  histor.  lib.  1.  c.  10.  2)  Tripert.  histor.  lib.  8.  c.  1.  3)  August.  de  opere  monach.  c.  17.  4)  saginarentur  1543  seqq.  5)  Epiph.  epist.  9.  ab  Hieron.  versa.  6)  Concil.  iliberit.  c.  36.  7)  Ambros.  de  Abrah.  1,  9.  8)  Gelasius  papa  in  concil.  Rom.  9)  Pro  his  in  ed.  1543  et  seqq.  legitur:  Ex  patribus  erat,  qui  substantiam  panis  et  vini  testatur  in  eucharistia  ita  permanere  et  non  desinere,  sicut  manet  in  Christo  Domino  substantia  et  natura  hominis,  iuncta  divinae.  Igitur  modum  praetereunt  qui  fingunt  transmutari  et  desinere  substantiam  panis  et  vini  verbis  Domini  recitatis,  ut  in  corpus  ac  sanguinem  transsubstantietur.