9:266  piunt  eorum  immensitatem?  Maneat  Deo  haec  libertas  ut  suo  arbitrio  cuncta  ordinet,  compositae  erunt  omnes  lites.  Sed  phreneticos  homines  ita  oportet  secum  confligere,  ut  suo  se  impetu  conficiant.  Revolvitur  tandem  ad  illud  suum  commentum,  fieri  multa  contra  Dei  voluntatem.  Quod  nos  quoque  libenter  concedimus,  modo  ne  longius  quam  par  est  trahatur  voluntas  ista.  Voluit  Deus  saepius  congregare  Iudaeos,  noluerunt  ipsi.  Nempe  quia  mane  surgendo,  ut  ipse  loquitur,  per  suos  prophetas  sedulo  illos  ad  se  vocavit  :  sed  quum  singulare  donum  sit  eius  conversio,  re  ipsa  convertit  quos  efficaciter  voluit  conversos.  Quomodo  velle  Deum  omnes  salvos  fieri  doceat  Paulus,  ex  ipso  contextu  discant  lectores.  Modus  salutis  est,  ut  ad  cognitionem  [pag.  27]  veritatis  veniant:  atqui  nec  externo  verbo  dignatur  omnes  et  arcanae  illuminationis  paucos  facit  participes.  Porro  quo  se  melius  expediat,  liberum  arbitrium  clypei  vice  opponit:  mirum  esse  negans,  si  Deus  homines  libero  motu  quod  visum  est  agentes  non  impediat.  Sed  quid  nobis  vocem  de  nihilo  confictam  obtrudit:  quum  passim  clamet  scriptura,  hominem  captivum,  servum  et  diabolo  mancipatum,  toto  affectu  in  vitia  ferri,  nec  posse  intelligere  quae  Dei  sunt,  tantum  abest  ut  perficiat.  In  hac  refutatione  caninae  improbitatis,  sicuti  Dei  omnipotentia  contra  omnes  calumnias  probe  et  dilucide  asseritur,  ita  laborem  me  non  minus  ecclesiae  Dei  utilem  et  iucundum,  quam  Deo  gratum  praestitisse  confido.  F  I  N  I  S  .