8:266  prehendi  non  videt?  Quod  non  omnes  ad  Christum  accedunt,  ut  [pag.  26]  salutem  consequantur,  causam  assignat:  quia  Deus  eorum  corda  efficaciter  non  tangit.  Conversionem  hominis  ex  gratuita  Dei  electione  manare  pronunciat.  Cur  aliis  reprobatis  alios  vocet,  in  solo  eius  arbitrio  positum  esse  non  dissimulat.  His  tribus  capitibus  statum  quaestionis  contineri  et  finiri,  nemo  mediocri  iudicio  praeditus  nescit.  Porro  Augustinus  ipse  adeo  totus  noster  est,  ut  si  mihi  confessio  scribenda  sit,  ex  eius  scriptis  contextam  proferre,  abunde  mihi  sufficiat.  Sed  ne  in  praesentia  nimium  sim  prolixus,  tribus  aut  quatuor  locis  contentus  ero,  ex  quibus  constet,  ne  uno  quidem  apice  me  ab  ipso  differre.  Ex  continua  deinde  operis  serie  plenius  constabit,  quam  solide  omni  ex  parte  mihi  suffragetur.  Libro  de  praedestinatione  sanctorum  contra  eos  se  disputare  profitetur,1)  qui  peccato  Adae  obnoxium  nasci  genus  humanum  agnoscunt,  ac  praeveniri  Dei  gratia  hominum  voluntates,  nec  sibi  quemquam  ad  ullum  opus  bonum  vel  inchoandum,  vel  perficiendum  sufficere.  Quid  autem  ea  confessione  maius  desiderat,  in  ipso  disputationis  progressu  ostendit.  Ne  diceret  quispiam,  inquit,2)  Discernit  me  ab  aliis  fides  mea,  iustitia  mea,  aut  aliquid  simile,  talibus  occurrens  cogitationibus  rogat  doctor  gentium:  Quid  habes  quod  non  acceperis?  (1  Cor.  4,  7.)  A  quo  autem,  nisi  ab  illo  [pag.  27]  qui  te  discernit  ab  alio,  cui  non  donavit  quod  donavit  tibi?  Deinde:3)  Fides  igitur,  et  inchoata,  et  perfecta,  donum  Dei  est:  et  hoc  donum  quibusdam  dari,  quibusdam  non  dari,  omnino  non  dubitet,  qui  non  vult  manifestissimis  scripturae  testimoniis  repugnare.  Cur  autem  non  omnibus  detur,  fidelem  movere  non  debet,  qui  credit  ex  uno  omnes  in  condemnationem  iustissimam  venisse.  Cur  autem  istum  potius  quam  illum  Deus  hinc  liberet,  inscrutabilia  sunt  iudicia  eius,  et  viae  eius  investigabiles.  Item:4)  Si  discutiatur  et  quaeratur,  unde  quisque  sit  dignus,  non  desunt  qui  dicant:  Voluntate  humana.  Nos  autem  dicimus:  Gratia  vel  praedestinatione  divina.  Postea  subiicit:5)  Salvator  ipse  Dei  filius  praeclarissimum  est  gratiae  et  praedestinationis  lumen.6)  Respondeatur,  quaeso:  homo  ille,  ut  a  verbo  patri  coaeterno  in  unitatem  personae  assumptus  filius  Dei  unigenitus  esset,  unde  hoc  meruerit.  7)  Quod  enim  eius  bonum  qualecunque  praecessit?  Quid  egit  1)  Cap.  1.  2)  Cap.  5.  3)  Cap.  9.  4)  Cap.  10.  5)  Cap.  15.  6)  miroir.  7)  qu'est-ce  qu'avoit  merite  ceste  nature  humaine  qu'il  a  prinse,  pour  estre  unie  en  UB  e  mesme  personne  a  la  sagesse  eternelle  de  Dieu  etc.