7:266  tametsi  non  est  cuiuslibet,  se  ad  repurganda  ecclesiae  mala  ingerere,  et  restituendum  eius  statum,  quo  tamen  iure  christianis  principibus  hoc  negabitur?  Excipit  Frenesius,  quia  sic  agendo  cathedram  sacerdotalem  invadunt.  At  sanctis  patribus  semper  aliter  visum  est,  quibus  nihil  fuit  antiquius,  quam  ut  principum  autoritate  in  ordinem  redigerentur  [pag.  56]  mali  et  improbi  sacerdotes,  indigni  autem  honoris  gradu  abdicarentur.  In  hoc  itaque  hallucinatur  Frenesius,  quia  inter  ista  duo  quantum  intersit,  non  videt,  cathedram  occupare,  et  rite  collocare  iustos  sessores,  qui  sedem  ratione  iureque  gubernent.  17)  Hoc  concedunt  omnes,  non  perturbandum  esse  in  ecclesia  ordinem.  Tota  igitur  quaestio  in  ordinis  definitione  posita  est.  Kequirit  ordo,  ut  sint  distinctae  functiones,  et  hoc  concedimus:  verum  coniunctioni  distinctio  non  repugnat.  Nec  quidquam  obstat,  quo  minus  qui  diversis  officiis  praesunt,  communibus  tamen  studiis  multa  simul  procurent,  quo  minus  volvant  coniuncti  munum  lapidem,  denique  quo  minus  alter,  pro  necessitate  praesenti,  in  alterius  vicem  quandoque  subeat.  18)  Det  ergo  nobis  Frenesius  ordinatum  ex  Christi  voluntate  ecclesiae  statum:  et  libenter  dabimus,  qui  minimo  digito  attingere  eum  ausit,  ut  convellat,  impia  audacia  id  tentare.  Sed  quum  procul  absit  barbara  ista,  vel  potius  beluina  papatus  confusio  a  sancta  Christi  regula,  facessat  hinc  providentiae  divinae  titulus,  cui  gravis  irrogatur  iniuria,  quum  ad  fucandam  a  Christi  regno  prorsus  tam  alienam  tyrannidem  perperam  et  impudenter  obtenditur.  19)  Punitus  est  Osas,  quod  manum  arcae  Dei