55:266  ad  pios  spiritus  pervenisse,  atque  ita  vitali  spiritus  efficacia  esse  perfusos.  Quare  timendum  non  est  ne  ad  nos  usque  emanet.  Sed  quaeri  potest  cur  nam  piorum  animas,  postquam  e  corporibus  migrarunt,  in  carcere  collocet.  Mihi  quidem  cpuXaxig  potius  speculam  significat  in  qua  aguntur  vigiliae,  vel  ipsum  excubandi  actum.  Nam  saepe  ita  capitur  apud  Graecos,  et  sensus  optime  fluet,  pias  animas  in  spem  salutis  promissae  fuisse  intentas,  quasi  eminus  eam  considerarent.  Neque  enim  dubium  est  quin  ad  hunc  scopum  sancti  patres  tam  in  vita,  quam  post  mortem,  suas  cogitationes  direxerint.  Verum  sicui  placeat  retinere  carceris  nomen,  non  male  conveniet.  Sicuti  enim  dum  vivebant,  lex  illis  (teste  Paulo  [Gal.  3,  23])  quaedam  arctior  fuit  custodia,  in  qua  detinebantur:  ita  post  mortem  sollicito  Christi  desiderio  constringi  oportuit:  quia  nondum  spiritus  libertatis  plene  exhibitus  erat.  Ergo  expectationis  anxietas  illis  fuit  veluti  carcer.  Hactenus  apostoli  verba  cum  re  ipsa  et  filo  argumenti  belle  congruunt:  sed  quod  sequitur  nonnihil  habet  difficultatis.  Neque  enim  hic  fideles,  sed  incredulos  solos  commemorat.  Quo  videtur  tota  illa  superior  expositio  everti.  Hac  ratione  adducti  quidam,  putarunt  nihil  hic  dici  aliud,  nisi  incredulos,  qui  olim  piis  molesti  infestique  fuerant,  spiritum  Christi  iudicem  expertos  esse.  Quasi  hoc  argumento  consoletur  Petrus  fideles,  quia  Christus  etiam  mortuus  poenas  de  ipsis  sumpserit.  Sed  eorum  errorem  convincet  quod  proximo  capite  videbimus,  mortuis  evangelium  praedicatum,  ut  vivant  secundum  Deum  spiritu  :  quod  peculiariter  in  fideles  competit.  Porro  certum  est,  idem  quod  nunc  dicit,  illic  repetere.  Deinde  non  animadvertunt  hoc  praecipue  velle  Petrum,  quemadmodum  potentia  spiritus  Christi  vivificam  se  in  ipso  ostendit,  et  talis  a  mortuis  fuit  cognita,  talem  etiam  erga  nos  fore.  Yidendum  tamen  quorsum  hoc  spectet,  quod  incredulos  tantum  nominat.  Videtur  enim  dicere,  Christum  in  spiritu  apparuisse  iis  qui  olim  fuerant  increduli.  Atqui  ego  aliter  distinguo:  tunc  quoque  permistos  fuisse  incredulis  pwros  Dei  cultores,  imo  eorum  multitudine  fere  opertos.  Discrepat  (fateor)  ab  hoc  sensu  graeca  syntaxis:  debuerat  enim  Petrus,  si  hoc  vellet,  genitivum  absolutum  ponere.  Sed  quia  apostolis  novum  non  est  liberius  casum  unum  ponere  alterius  loco9  et  videmus  Petrum  hic  confuse  multas  res  simul  coacervare:  nec  vero  aliter  aptus  sensus  elici  poterat  :  non  dubitavi  ita  resolvere  orationem  implicitam:  quo  intelligerent  lectores,  alios  vocari  incredulos,  quam  quibus  praedicatum  fuisse  evangelium  dixit.  Postquam  ergo1)  dixit  Christum  se  mortuis  manifestasse,  mox  addit:  quum  increduli  fuissent  olim.  Quo  significat  nihil  nocuisse  sanctis  patribus,  quod  im-  *)  enim