51:266  cependant  qu'il  a  reiette  tout  le  reste.  Car  nous  voyons  qu'il  n'y  a  que  la  plus  petite  portion  qui  vient  a  Dieu:  et  pourquoy  donc  a-il  quitte  tout  le  reste?  Voire,  comme  si  la  volonte  de  Dieu  ne  nous  devoit  pas  suffire  pour  toute  reigle.  Il  nous  faut  noter  en  premier  lieu,  que  Dieu  n'est  en  rien  oblige  a  personne.  Si  nous  avions  ce  principe,  qu'il  nous  deust  le  moins  du  monde,  alors  nous  pourrions  contester  contre  luy:  mais  d'autant  qu'il  n'y  a  nulle  obligation  envers  nous  de  son  coste,  que  nous  luy  devons  tout,  et  luy  rien  a  nous  :  maintenant  regardons  que  nous  gagnerons  par  toutes  nos  repliques.  Car  si  nous  voulions  assubietir  Dieu  a  estre  egal  envers  tout  le  monde,  il  auroit  moins  de  liberte  que  les  creatures  mortelles.  Si  un  homme  est  riche,  il  peut  faire  de  son  bien  a  son  plaisir:  quand  il  donnera  a  quelqu'un,  peut-on  luy  intenter  proces  d'autre  coste,  et  que  chacun  luy  demande  pareille  somme?  Voila  un  homme  qui  voudra  avancer  quelqu'un  qu'il  aime*  si  tous  les  povres  vouloyent  venir  demander,  comme  d'obligation,  qu'il  leur  en  fist  autant,  ne  seroit-ce  pas  une  chose  ridicule?  Mesmes  un  homme  pourra  adopter  le  plus  estrange  du  monde  pour  son  enfant  et  heritier,  et  cela  gist  en  sa  liberte.  Voila  Dieu  qui  est  liberal  envers  tous  :  car  il  fait  luire  son  soleil  sur  les  bons  et  sur  les  mauvais:  il  reserve  seulement  une  partie  des  hommes  pour  leur  faire  ce  privilege,  pour  les  adopter  pour  ses  enfans.  Que  gagnerons  nous  donc  de  venir  murmurer  contre  luy  ?  Si  on  dit,  Et  il  sembleroit  donc  qu'il  fust  accepteur  des  personnes.  Non  est,  car  il  n'elit  point  les  riches  pour  laisser  les  povres:  il  ne  choisit  point  les  nobles  plustost  que  ceux  qui  sont  de  nulle  estime  et  de  basse  condition.  On  ne  dira  donc  pas  qu'il  y  ait  acception  de  personnes  en  Dieu  :  mais  il  ne  regarde  qu'a  sa  pure  bonte,  quand  il  choisit  ainsi  ceux  qui  en  sont  indignes  :  et  qu'il  ne  regarde  pas  si  l'un  vaut  mieux  que  Fautre,  mais  il  prend  ceux  que  bon  luy  semble.  Que  voulons-nous  plus?  C'est  donc  bien  raison  qu'on  se  contente  de  la  volonte  de  Dieu,  qu'on  se  tienne  la  bride,  qu'il  choisit  ceux  qu'il  luy  plaist,  d'autant  que  sa  volonte  est  la  reigle  souveraine  de  toute  equite  et  droiture.  Voila  donc  comme  la  bouche  sera  close  a  tout  le  monde.  Et  combien  que  les  meschans  et  les  gens  profanes  murmurent  et  se  despitent,  ou  blasphement  mesmes,  Dieu  est  assez  puissant  pour  maintenir  sa  iustice  et  sagesse  infinie:  quand  ils  auront  bien  iargonne,  si  faudra-il  qu'ils  demeurent  a  la  fin  confus.  De  nostre  part,  nous  voyons  ce  que  sainct  Paul  prononce  ici.  Car  ce  n'est  pas  une  doctrine  obscure,  quand  il  dit,  Dieu  nous  a  benits:  voire  quand  il  nous  a  illuminez  par  son  sainct  Esprit  en  la  foy  de  l'Evangile,  quand  il  nous  a  faits  participans  des  graces  de  nostre  Seigneur  Iesus  Christ:  lors  (dit-il)  il  nous  a  monstre  qu'il  nous  avoit  eleus