29:266  mundo  illata  ex  monachorum  votis,  perpetuam  castitatem  aut  continentiam  voventium,  quam  detestandus  finis,  quod  sola  opinione  eiusmodi  vota  niterentur?  Et  tamen  hoc  sibi  permissum  a  Deo  dicunt,  quasi  vero  continentiam  in  sua  potestate  habeant:  qua  in  re  non  modo  condemnandi  sed  exsecrandi  ac  detestandi  sunt.  Namque  non  coniugatos  oportet  necessario  Deo  ad  coniugium  ipsos  vocanti  obsequi,  neque  pertinaciter  quod  donum  non  habent  sibi  polliceri.  Quare  voventes  oportet  diligenter  hoc  providere,  ut  dona  quae  acceperint  sola  offerant,  et  pro  illis  Deo  gratias  agant.  Denique  finis  etiam  votorum  observandus,  ne  nimirum  illis  Deum  obligari  posse  nobis  persuadeamus  :  sed  tantum  ut  pro  acceptis  beneficiis  gratias  agamus,  et  gratum  animum  testantes  sacrificia  laudis  et  gratiarum  actiones  offeramus.  Haec  itaque  si  habuerimus,  tunc  vovere  licebit:  verumtamen  sobrietas  optima  erit  illorum  regula.  Nam  inconsiderate  voventes  temeritatis  notam  vix  possunt  effugere.  Quare  quum  veteres  quaedam  vovisse  legimus,  ne  fuisse  id  ordinarium  illis  putemus:  sed  ingenti  quadam  necessitate,  aut  summis  difficultatibus  pressos  sese  istiusmodi  votis  ad  preces  ardentiores,  donec  voti  facti  essent  compotes,  adstrinxisse  sciamus.  Sic  Iacobum  in  terra  peregrina  consilii  inopem  et  omnium  egenum  sine  praesenti  Dei  auxilio,  vovisse  Deo  legimus  decinam  bonorum  in  haec  verba:  Mi  Deus,  si  reversus  fuero  in  pace  ad  domum  patris  mei,  denique  fuerit  mihi  Iehova  in  Deum,  quidquid  dederis  mihi}  eius  decimas  omnino  dabo  tibi.  Quid  aliud  votum  istud  quam  animi  grati  testificationem  continet,  Iacobo  sic  palam  faciente  bonitatis  Dei  memoriam  animo  suo  pernitius  infixam,  et  nulla,  si  redux  in  patriam  et  paterna  bona  fuerit,  unquam  oblivione  delendam?  Atqui  ne  pedem  quidem  terrae  tunc  in  ea  regione  habebant  in  sua  potestate,  vel  ipse,  vel  parentes:  sed  divina  fretus  promissione  de  terra  illa  olim  possidenda,  fidem  ac  gratudinem  testabatur.  Idem  esto  de  reliquis  sanctorum  votis  iudicium.  Quamobrem  papistarum  ridiculae  de  votis  Deo  reddendis  vociferationes.  Neque  enim  quicum  nobis  sit  negotium  satis  considerant,  Deumque  ludificari  velut  infantem  cogitant:  cuius  tamen  adeo  veneranda  maiestas  est,  ut  ipsi  grata  et  accepta  solum  vota  nuncupanda  sint,  nostraque  tenuitas  agnoscenda,  ne  arroganter  nobis  quae  sibi  soli  Deus  vendicat  arrogemus.  Nos  vero  quum  sic  voverimus,  facile  vota  praestabimus,  non  alium  in  finem,  quam  vere  et  ex  animo  coram  Deo  testatur],  nos  omnium  quae  accepimus  bonorum  memores  uni  illi  accepta  ferre,  et  pro  illis  gratias  immortales  agere.  Et  de  votis  hactenus.  Caeterum  ut  de  peculiari  Annae  voto  dicam,  licitum  id  ipsi  fuisse  ex  ipsa  lege  divina  manifestum  est.  Nominatim  enim  in  ea  parenti  tale  votum