8:265  265  PRAEDESTINATIONE.  266  [pag.  24]  doctrina  animam  inanes  undique  errorum  flatus  penetrent.  Porro,  quam  vere  profitear,  non  nisi  praeeunte  Dei  verbo  me  unquam  hac  de  re  verbum  fecisse,  tametsi  ex  prioribus  meis  scriptis,  ac  praesertim  ex  mea  Institutione  facile  iudicabunt  pii  lectores:  ex  hac  tamen  hostium,  qui  se  contra  opponunt,  refutatione,  nonnihil  novae  lucis  accedet.  Sed  quia  odiose  nobis  ingeritur  veteris  ecclesiae  autoritas,  breviter  etiam  praefari  operae  pretium  est,  quam  iniuste  hac  partim  falsa,  partim  frivola  invidia  prematur  Christi  veritas.  Augustini  tamen  verbis1)  potius  quam  meis,  hoc  quidquid  est  criminationis  diluere  malo.  Nam  et  sanctum  virum  eodem  olim  probro  vexabant  Pelagiani,  quod  sibi  adversos  haberet  alios  ecclesiae  scriptores.  Primum  ergo  excusat  quod  ante  exortam  Pelagii  haeresin  non  ita  subtiliter  neque  exacte  de  praedestinatione,  id  quod  erat,  tradiderant.  Quid  igitur  opus  est,  inquit,  ut  eorum  scrutemur  opuscula,  qui  priusquam  ista  haeresis  oriretur,  non  habuerunt  necessitatem  in  hac  difficili  ad  solvendum  quaestione  versari?  quod  procul  dubio  facerent,  si  respondere  talibus  cogerentur.  Prudenter  certe  non  minus  quam  ingenue  dictum.  Nisi  enim  eum  exercuissent  gratiae  Dei  hostes,  nunquam  ad  excutiendam  Dei  electionem  adeo  fuisset  attentus:  sicuti  fatetur  [pag.  25].  Nam  in  libro  cui  titulum  fecit  De  bono  perseverantiae  :2)  Haec,  inquit,  certa  est  ac  manifesta  praedestinatio  sanctorum,  quam  postea  diligentius  et  operosius,  quum  adversus  novam  sectam  disputarem,  defendere  necessitas  compulit.  Didicimus  enim  singulas  quasque  haereses  intulisse  ecclesiae  proprias  quaestiones,  contra  quas  diligentius  defenderetur  scriptura  divina,  quam  si  nulla  talis  necessitas  cogeret.  Quid  autem  coegit  loca  scripturarum,  quibus  praedestinatio  commendata  est,  copiosius  et  enucleatius  isto  nostro  labore  defendi,  nisi  quod  Pelagiani  dicunt,  Dei  gratiam  secundum  merita  nostra  dari:  quod  nihil  aliud  est  quam  gratiae  negatio?  Porro,  aliquanto  prius3)  negaverat,  sibi  de  librorum  suorum  vetustate  praeiudicium  debere  afferri.  Nemo,  inquit,  tam  iniustus  est,  ut  opinor,  et  tam  invidus,  qui  proficere  me  prohibeat.  Postea  tamen  simul  contendit,  ex  quibusdam  veterum  testimoniis  posse  colligi,  non  aliter  eos,  quam  tunc  doceret,  sensisse.  Ut  aliis  supersedeam,  plus  quam  perspicuum  est,  quod  ex  Ambrosio  citat:4)  Christus,  quem  miseratur,  vocat.  Item:  Si  voluisset,  ex  indevotis  fecisset  devotos;  sed  Deus  quos  dignatur  vocat,  et  quem  vult  religiosum  facit.  Quis  totam  huius  quaestionis  summam  his  paucis  verbis  com-  1)  Lib.  de  praedest.  Sanct.  cap.  14.  2)  Cap.  20.  3)  Cap.  12.  4)  Eiusdem  lib.  cap.  19.