7:265  265  CTJM  SCHOLIIS.  266  honoris  ad  haec  eos  te  sollicitasse:  sed  nullum  prorsus  est  tam  malum  consilium,  quod  non  specioso  aliquo  eiusmodi  nomine  quasi  veste  pretiosa  se  ornet.  Tu  vero,  fili,  interroga  potius  patrem  tuum,  et  annunciabit  tibi:  maiores  [pag.  13]  tuos,  et  dicent  tibi.  Si  enim  omnes  una  voce  te  ad  unitatem  ecclesiae  atque  honorem  et  obedientiam  huius  sanctae  sedis  hortantur,  atque  iam  pridem  factis  ipsis  sunt  hortati,  si  vero  sanctissimum  quemque  et  in  divinis  legibus  peritissimum  consules,  gravissimas  in  eos  divinae  irae  vindictas  proferent,  qui  quacunque  de  causa,  quacunque  pietatis  specie  adducti,  (15)  summi  sacerdotis  munera  sibi  sumere  voluerunt:  est  vero  ea  maxima,  quam  rebelles  adducere  solent,  quum  principes,  ut  eius  cathedram  ascendant,  atque  ut  ius  et  autoritatem  cognoscendi  causas  religionis  et  iudicandi  sibi  assumant,  hortantur.  (16)  Sacerdotum  enim  negligentia  pro  stimulo  ad  impellendum  eos  utuntur,  ut  ecclesiae  curam  in  componendis  religionis  controversiis  et  in  ordinandis  ecclesiae  rebus  %n  se  suscipiant.  Quis  enim  [pag.  14]  hoc  factum  non  dignum  summa  laude  iudicet?  Nemo  quidem,  si  factum  tantum  respiciatur.  Sed  ut  in  domo  bene  instituta,  in  qua  divisa  officia  et  munera  non  licet  unicuique  pro  suo  arbitratu  omnia  exercere,  etiam  si  singula  in  suo  genere  sint  praeclara:  quod  qui  tentant,  quamvis  bono  id  animo  faciant,  a  patre  tamen  familias  merito  reprehenduntur,  quippe  qui  suo  intempestivo  zelo,  quod  pulcherrimum  est  in  domo,  (17)  nempe  ipsum  ordinem,  sine  quo  nulla  domus  diutius  stare  potest,  quantum  quidem  in  ipsis  est  tollunt,  et  prudentiae  eius  qui  Ulum  instituit  summam  iniuriam  faciunt:  (18)  sic  prorsus  in  ecclesia  Christi,  quae  est  domus  Dei,  in  qua  omnia  munera  sunt  dispertita,  et  singula  singulis  ita  distributa,  ut  inferiores  superiorum  officiis  non  fungantur,  eo  minus  licet  ordinem  perturbare,  [pag.  15]  quo  maiore  prudentia  est  ordinata  ecclesia,  quam  de  ulla  domo  cogitari  possit.  Estque  ea  semper  gravissima  in  Dei  prudentiam  ac  sapientiam  iniuria.  At  non  omnes  hoc  vident,  sed  nec  te  etiam  saks  adhuc  videre  arbitramur,  Caesar,  quantum  iniuriae  inferas  divinae  providentiae,  in  hac  domo  Dei,  in  qua  supremum  munus  sacerdotibus  est  commendatum,  quum  horum  tibi  partes  et  honorem  sumis.  (19)  Nec  mirum  est  ex  adverso  eum  secure  pacisci  cum  meretricibus,  nec  contaminationem  ex  lenocinii  pretio  horrere,  annua  pensione  decidere  cum  Iudaeis,  ut  impune  non  modo  christianam  religionem  despiciant,  sed  foenerando  palam  latrocinentur:  denique  nec  Turcas  aversari.  Sed  in  eo  potissimum  elucet  eius  sanctimonia,  quod  cum  apostolo  Paulo  timet,  ne  bonos  mores  colloquia  prava  corrumpant.  Quid  tibi  cum  hac  sancti  apostoli  voce,  sceleste  apostata,  imo  omnis  apostasiae  princeps?  Qui  quum  dies  in  machinandis  proditionibus,  in  fraudibus  excudendis,  in  bellis  conflandis,  in  excogitandis  novis  rapinarum  generibus,  in  moliendo  innocentium  exitio,  in  destruenda  ecclesia,  in  dissipanda  religione  cum  nequissimis  consultoribus  tuis  consumas,  reliquum  tempus  vel  cum  Epicureis  suaviter  te  oblectas,  vel  in  medio  scortorum  grege  [pag.  55]  te  volutas  instar  porci,  nec  aliud  audis  vel  loqueris,  quam  quod  vel  exsecrandam  impietatem  spiret,  vel  sua  obscoenitate  incitet  istam  tuam  effoetam  libidinem,  quae  tamen  nondum  prurire  desinit.  15)  Arrigamus  aures,  neque  enim  videtur  iam  de  nihilo  conqueri.  Fateor  sane,  tanti  esse  ecclesiae  ordinem  coram  Deo,  ut  qui  involat  in  alienum  munus,  non  evadat  suae  temeritatis  poenam.  16)  Si  qua  ratio  foret  conservandae  eius  tyrannidis,  pro  qua  nunc  decertat  Frenesius,  haec  in  primis  firma  est  prae  aliis,  et  valida,  ne  quis  corrigendis  sacerdotum  vitiis  se  interponere  audeat.  Ergo  si  Frenesio  concedimus,  esse  hanc  illicitam  .usurpationem,  esse  grande  sacrilegium,  quum  principes,  torpente  papa,  toto  clero  oscitante,  pereunti  ecclesiae  subvenire  conantur,  actum  est.  Quid  ergo  habet  Caesar,  quo  tantum  crimen  diluat?  Primum,