6:265  DE  LIBERO  ARBITRIO.  ram,  ut  est  post  lapsum  vitiata  et  corrupta,  non  ex  se  ipso  damnat  Lutherus,  sed  acquiescit  in  Dei  optimi  et  summi  [pag.  45]  iudicis  sententia,  a  qua  provocare  nefas  est.  Quis  enim  haec  omnia  pronunciavit?  Omne  figmentum  cordis  humani  tantum  modo  malum  est  a  pueritia  (Gen.  6,  5).  Perversum  est  cor  hominis,  prae  omni  re,  et  fraudulentum  (Ier.  17,  9).  Omnes  declinaverunt,  simul  inutiles  facti  sunt,  non  est  qui  faciat  bonum,  ne  unus  quidem  (Psal.  14,  3;  Rom.  3,  12).  Affectus  carnis  inimicitia  est  adversus  Deum;  legi  Dei  non  subiicitur,  neque  etiam  potest  (Rom.  8,  7).  Et  alia  innumera.  Eat  nunc  Pighius,  et  tot  tamque  gravia  Dei  iudicia  uno  convicio  retractet.  Quantum  ad  sanctos  pertinet,  non  dubium  quin  spiritus  sancti  gratiae  resistat,  quod  in  illis  residuum  est  propriae  naturae.  Neque  enim  humilitatis  gratia  mentiebatur  Paulus,  dum  confitebatur  non  habitare  in  se,  hoc  est  in  carne  sua,  bonum  (Rom.  7,  18):  sed  cum  gemitu  non  ficto  miseriam  suam  deplorabat.  Illic  totum  carnis  ingenium  pravitatis  damnat:  carnem  vero  definit,  quidquid  a  se  ipso  habet.  Dum  ergo  carnis  suae  reliquias  resistere  Dei  iustitiae  conqueritur,  quid  differt  a  Luthero?  nisi  quod  rem  eandem  non  totidem  syllabis  exprimit.  Exhorrere  se  Pighius  ad  hanc  Lutheri  vocem  dicit,  naturam  carnis  in  sanctis  quoque,  velut  feram  indomitam,  spiritui  sancto  reluctari.  Omitto  nunc  Paulum:  quid,  rogo,  sibi  volunt  haec  Augustini  1)  verba?  Item,  nemo  se  palpet  :2)  de  suo  Satanas  est.  Tollat  homo  peccatum  quod  suum  est:  Deo  iustitiam  relinquat.  Si  haec  a  Luthero  dicerentur,  quos  nunc  tumultus  Pighius  misceret?  De  sanctis  loquitur  Augustinus:  quidquid  sunt  vel  habent  a  natura,  pronunciat  esse  peccatum:  nec  eo  contentus,  dicit  ipsorum  unumquemque  de  suo  esse  Satanam.  Scio  quidem  me  cum  insano  hoc  capite  nihil  proficere,  qui  ullis  scripturis  crediturum  se  negat,  quae  secus  doceant,  quam  ipse  iam  sibi  persuasit:  quin  etiam  elato  supercilio  iactat,  non  dubitanter  se  dicturum,  a  diabolo  omnis  blasphemiae  autore  prodiisse,  si  quae  tales  proferantur.  Quid  facias  cum  tali  furia?  Sua  se  imaginatione  [pag.  46]  sic  inebriavit,  vel  fascinavit  potius,  ut  neque  homines,  neque  angelos,  neque  Deum  audire  sibi  reclamantem  sustineat.  Hoc  enim  sacrilegium  disertis  verbis  evomit:  Si  quae  scripturae  Lutheri  doctrinam  adstruerent,  a  Lucifero  omnis  blasphemiae  et  impietatis  autore  fuisse  dictatas,  nihil  dubitarem  dicere.  Item  alibi:  Sunt  eiusmodi  dogmata,  ut  dicere  non  dubitem,  nulli  evangelio,  nullis  scripturis,  nullis  apostolis,  sed  nec  angelis  de  coelo  omnibus  cre-  1)  Homil.  49.  In  Ioannem.  2)  Nemo  se  palpet  {omisso:  item),  lb!Q  seqq.