52:265  265  CAPUT  IL  266  nide  Satanae  degere  necesse  est,  dum  ecclesiae  reconciliatus  ad  Christum  redeat.  Unum  excipio,  quod  pro  mali  atrocitate  perpetuum  istis  anathema  denuntiare  potuit:  de  quo  nihil  tamen  ausim  pro  certo  asserere.  Sed  quid  sibi  vult  proxima  particula,  ut  discant  non  maledicere?  Nam  qui  ab  ecclesia  eiectus  est,  plus  licentiae  sibi  usurpat  :  quia  tanquam  communis  disciplinae  iugo  solutus  petulantius  insurgit.  Eespondeo,  utcunque  exsultet  eorum  improbitas,  aditum  tamen  praecludi,  ne  sua  contagione  gregem  inficiant.  Nam  eo  maxime  nocent  improbi,  dum  eiusdem  fidei  praetextu  se  insinuant.  Nocendi  ergo  facultas  illis  eripitur,  dum  notantur  publica  infamia,  ut  nemo  simplicium  ignoret  profanos  esse  homines  et  exsecrandos:  ideoque  omnes  ab  eorum  communicatione  abhorreant.  Ipsos  etiam  interdum  contingit,  irrogata  sibi  talis  ignominiae  nota  confusos  a  protervia  desistere.  Ergo  etiamsi  improbiores  reddantur  aliquando,  tamen  non  semper  inutile  est  ad  domandam  ferociam  remedium.  CAPUT  U.  1.  Adhortor  igitur  ut  ante  omnia  fiant  deprecationes)  obsecrationes)  interpellationesi,  gratiarum  actiones  pro  omnibus  hominibus,  2.  pro  regibus  et  omnibus  in  eminentia  constitutis,  ut  placidam  et  quietam  vitam  degamus  cum  omni  pietate  et  honestate.  3.  Hoc  enim  bonum  et  acceptum  coram  salvatore  nostro  Deo,  4.  qui  omnes  homines  vult  salvos  fieri,  et  ad  agnitionem  veritatis  venire.  1.  Adhortor  igitur.  Haec  pietatis  exercitia  continent  nos  atque  etiam  confirmant  in  sincero  cultu  Dei  ac  timore,  foventque  bonam  conscientiam,  de  qua  dixerat.  Quare  non  abs  re  illativa  particula  utitur:  quia  ex  superiore  praecepto  exhortationes  istae  pendent.  Ac  initio  quidem  de  publicis  orationibus  disserit:  quas  iubet  non  pro  fidelibus  modo  concipi,  sed  pro  universo  genere  humano.  Poterant  enim  nonnulli  ita  secum  reputare,  Cur  de  infidelium  salute  essemus  solliciti,  quibuscum  nihil  est  nobis  necessitudinis?  Nonne  satis  est,  si  fratres  pro  fratribus  mutuo  oremus,  ac  commendemus  Deo  totam  suam  ecclesiam?  Nihil  enim  ad  nos  extranei.  Huic  sinistrae  opinioni  occurrit  Paulus,  ac  iubet  Ephesios  suis  precibus  complecti  omnes  mortales,  nec  eas  ad  corpus  ecclesiae  restringere.  Porro  quid  inter  se  differant  tres  species  ex  quatuor  quas  Paulus  enumerat,  fateor  me  non  penitus  tenere.  Puerile  quidem  est,  quod  Pauli  verba  Augustinus  ad  ritus  suo  tempore  usitatos  detorquet.  Simplicior  est  eorum  expositio  qui  deprecationes  esse  putant,  quibus  petimus  liberari  a  malis:  obsecrationes,  quibus  utilia  nobis  poscimus:  interpellationes,  quibus