51:265  265  SUR  L'EPITRE  AUX  EPHESIENS.  266  mis  mortels  de  la  grace  de  Dieu,  et  la  veulent  obscurcir  tant  qu'il  leur  est  possible:  car  (comme  i'ay  dit)  cela  est  pour  ruiner  toute  la  religion.  ll  y  a  le  second,  c'est  a  scavoir,  l'asseurance  de  nostre  salut  Les  Papistes  diront  qu'il  nous  faut  estre  en  doute,  et  que  nous  ne  pouvons  venir  a  Dieu,  sinon  en  cuidant  qu'il  nous  recevra:  mais  d'en  avoir  certitude,  que  nous  ne  le  devons  point,  d'autant  que  ce  seroit  par  trop  presumer.  En  priant  Dieu  nous  le  devons  appeler  nostre  Pere,  voire  si  nous  sommes  escoliers  de  nostre  Seigneur  Iesus  Christ,  car  il  nous  a  monstre  cela.  En  l'appelant  nostre  Pere,  est-ce  a  l'aventure,  ou  est-ce  que  nous  n'en  avons  nulle  seurete  en  nous  ?  Il  n'y  auroit  que  hypocrisie  en  nos  prieres:  et  le  premier  mot  que  nous  prononcons,  ce  ne  seroit  que  mensonge.  Les  Papistes  donc  n'ont  iamais  cognu  que  c'estoit  de  prier  Dieu,  quand  ils  ont  dit  qu'il  ne  faloit  point  estre  asseure  de  son  salut.  Or  l'Escriture  monstre  (comme  nous  verrons  au  troisieme  chapitre  sur  tout)  que  pour  bien  prier  il  nous  faut  avoir  la  foy  en  Iesus  Christ  qui  nous  donne  fiance  :  et  de  ceste  fiance-la  nous  concevons  quant  et  quant  hardiesse.  Quoy  qu'il  en  soit,  il  ne  faut  point  que  nous  soyons  en  branle  ni  en  doute:  mais  que  nous  soyons  tout  resolus  et  persuadez  que  Dieu  nous  tient  pour  ses  enfans.  Et  comment  aurons  nous  cela,  sinon  d'autant  que  nous  embrassons  sa  misericorde  par  foy,  selon  qu'il  nous  l'offre  en  l'Evangile,  et  que  nous  scachions  aussi  que  nous  sommes  fondez  en  son  election  eternelle?  Car  si  nostre  foy  dependoit  de  nous,  il  est  certain  qu'elle  nous  eschaperoit  bien  tost,  elle  nous  pourroit  estre  escousse,  sinon  qu'elle  fust  gardee  d'enhaut.  Et  combien  que  nous  soyons  gardez  par  foy  (comme  dit  sainct  Pierre)  si  est-ce  que  c'est  Dieu  qui  nous  garde.  Si  donc  nostre  foy  n'estoit  fondee  en  l'election  eternelle  de  Dieu,  il  est  certain  qu'elle  nous  pourroit  estre  ravie  de  Satan  a  chacune  minute.  Que  nous  soyons  auiourd'huy  les  plus  constans  du  monde,  demain  nous  pourrons  defaillir:  mais  nostre  Seigneur  Iesus  nous  monstre  le  remede  pour  nous  fortifier  contre  toutes  tentations,  en  disant,  Vous  n'estes  point  venus  a  moy,  sinon  d'autant  que  le  Pere  celeste  vous  y  a  amenez.  Et  comme  ie  vous  ay  prins  en  ma  garde,  ne  craignez  plus,  car  ie  vous  recognois  pour  l'heritage  de  Dieu  mon  Pere,  et  luy  qui  vous  a  mis  en  ma  charge,  et  qui  a  mis  vos  ames  en  ma  main,  celuy-la  est  plus  fort  que  tous.  Nous  voyons  donc  comme  outre  la  gloire  de  Dieu,  il  y  a  aussi  bien  la  certitude  de  nostre  salut:  qui  est  aussi  bien  pour  nous  inciter  a  cognoistre  ce  qui  est  ici  traite  par  sainct  Paul  de  la  predestination  eternelle  de  Dieu.  Or  il  est  vray,  comme  i'ay  desia  touche,  que  beaucoup  de  gens  s'escarmouchent  quand  ils  oyent  que  Dieu  a  eleu  ceux  que  bon  luy  a  semble,  et