50:265  265  CAPUT  VI.  266  faciunt  omnia  romanae  sedis  oracula  quam  asini  ruditum  :  sed  periclitari  nolunt.  Denique  tale  Paulus  certamen  habuit  cum  illis  impostoribus,  quale  nobis  hodie  est  cum  fucatis  evangelii  professoribus,  qui  Christum  cum  papa  miscendo  chimaeram  nobis  componunt.  Talibus  ergo  larvam  detrahit  Paulus,  quum  nihil  eos  sincere  agere  docet:  verum  circumcisionem  praecipere,  ut  se  venditent  Iudaeis,  quia  neophytos  adduxerint.  Hoc  enim  est  in  carne  ipsorum  gloriari.  De  vobis,  inquit,  triumphum  agere  volunt:  atque  ita  corpore  vestro  abutuntur  ad  venandum  favorem,  ubi  falsis  legis  zelatoribus  in  carne  vestra  mutilata  pacis  et  consensus  tesseram  ostentaverint.  14.  Mihi  autem  absit  gloriaris  nisi  in  cruce  Domini  nostri  Iesu  Christi,  per  quam  mundus  mihi  crucifixus  est,  et  ego  mundo.  15,  Nam  in  Christo  neque  circumcisio  quidquam  valet,  neque  praeputium:  sed  nova  creatura.  16.  Ei  quicunque  hac  regula  ambulabunt,  pax  super  eos  et  misericordia,  et  super  Israelem  Dei.  ll.  In  reliquis  nemo  facessat  mihi  molestiam.  Ego  enim  stigmata  Domini  Iesu  in  corpore  meo  porto.  18.  Gratia  Domini  nostri  Iesu  Christi  cum  spiritu  vestro,  fratres,  Amen.  14.  Mihi  autem.  Nunc  pseudoapostolorum  consiliis,  animi  sui  sinceritatem  opponit:  ac  si  diceret:  Illi,  ne  quam  cogantur  ferre  crucem,  Christi  crucem  abnegant,  gratiam  hominum  mercantur  ex  carne  vestra:  denique  triumphum  agunt  de  vobis.  Meus  autem  triumphus  ac  mea  gloria  est  in  cruce  filii  Dei.  Nisi  prorsus  sensu  communi  destituti  essent  Galatae,  nonne  eos  detestari  debuerunt,  quos  videbant  suo  periculo  ita  ludere?  G  l  o  r  i  a  r  i  in  Christi  cruce  perinde  valet  atque  in  Christo  crucifixo,  nisi  quod  plus  exprimit.  Significat  enim  mortem  illam  ignominiae  probrique  plenam,  imo  etiam  maledictam  a  Deo.  Quam  igitur  horrent  homines,  et  cuius  ipsos  pudet,  in  ea  gloriari  se  dicit:  quia  perfectam  in  ea  felicitatem  habeat.  Nam  ubi  summum  bonum,  illic  gloria.  Sed  cur  non  alibi?  nam  etsi  in  Christi  cruce  salus  est  exhibita,  quid  de  resurrectione?  Respondeo,  in  cruce  totam  redemptionem  et  eius  partes  contineri:  sed  resurrectio  Christi  a  cruce  nos  minime  abducit.  Notandum  etiam,  quod  aliam  quamvis  gloriam  non  secus  ac  capitalem  noxam  abominatur.  Avertat  Deus  hanc  pestem,  hoc  portentum.  Hoc  enim  valet  apud  Paulum  ubique  verbum  absit.  Per  quam  mundus.  Quia  oxaupoc  masculinum  est,  relativum  utrique  apud  Graecos  convenit,  tam  Christo  quam  cruci:  aptius  tamen  est,  meo  iudicio,  ad  crucem  referre.  Nam  per  illam  mundo  proprie  morimur.  Quid  autem  mundus  significat?  opponitur  procul  dubio  novae  creaturae.  Quidquid  ergo  con-