5:265  DE  FUGIENDIS  IMPIORUM  SACRIS.  sese  induunt  :  nec  intelligunt,  superstitione  id,  an  callida  simulatione  faciant,  ad  rem  non  pertinere.  Quando  utroque  pariter  modo  et  sacram  Dei  religionem  ludibrio  habent  inter  homines,  et  exemplo  suo  partim  rudium  inscitiam,  ad  obstinatiorem  pervicaciam  confirmant,  partim  imbecillium  dubias  haesitantesque  conscientias  labefactant.  Communicare  ubi  vetuit  apostolus  (Ephes.  5,  11)  operibus  infructuosis  tenebrarum,  simul  adiicit  ut  potius  a  nobis  redarguantur.  Qua  posteriore  particula,  quid  per  illam  priorem  voluisset,  explicavit:  nempe  tum  nf>s  flagitiosis  ac  iniquis  facinoribus  communicare,  quum  illa  nobis  placere  quoquo  modo  1)  significamus.  Unde  profecto  absque  dubio  perspicis,  ab  istarum  abominationum,  de  quibus  nobis  sermo  est,  inquinamentis  eum  se  demum  praestare  immunem,  qui  nullam  earum,  ne  fictam  quidem,  imitationem  in  se  suscipiat.  Caeterum,  qui  se  ad  eum  modum  abstinentem  praestiterit,  eum  nec  aspectu,  nec  ingressu,  nec  vicinitate  ullam  adeo  vel  noxam,  vel  maculam  contrahere,  ut  ex  eo  constantiam  suam  Domino  magis  approbet,  quod  hostilibus  copiis  circumsessus,  expugnari  tamen  se  non  patiatur.  Hac  ratione  Paulo  (Act.  17,  23)  licuit,  illaesa  pietate,  non  modo  circum  omnes  Atheniensium  aras  obambulare,  eaque  loca  pedibus  terere,  quae  essent  mille  impietatum  notata  vestigiis  et  recentium  forte  sacrificiorum  odorem  adhuc  referrent  :  verum  oculos  huc  atque  illuc  circumferre,  et  quid  in  unaquaque  ara  inscriptum  foret,  curiose  contemplari.  Non  enim  ad  singula  deorum  nomina  sese  religiose  inclinabat,  nec  quos  in  salutandis  suis  simulacris  ritus  observabant  idololatrae  repraesentabat:  [pag.  31]  sed  superstitionum  omnium  neglectum  prae  se  ferens,  requirebat  quod  tandem  reperit,  unde  ad  illustrandam  Domini  gloriam,  velut  ex  adversariorum  tabulis  argumentum  proferret.  Eadem  ratione  periculum  non  fuit,  ne  conscensa  navi,  quae  insigne  haberet  Geminorum  (Act.  28,  l  l  )  ,  aliquid  ex  ea  dedicatione  piaculi  in  se  susciperet,  quum  ita  se  gereret,  nullum  ut  superstitionis  ritum  cum  impiis  ipsum  communicare  facile  appareret.  Neque  enim,  quod  alios  ex  more  egisse  verisimile  est,  arbitrari  possumus  ipsum,  aut  sub  primum  ingressum  deos  tutelares  salutasse,  aut  solventem  a  portu,  secundam  ab  illis  navigationem  petiisse  aut  petentibus  succinuisse,  quasi  in  eorum  precationem  consentiret.  Quare  ne  quo  scrupulo  vanae  gentium  dedicationes  animos  nostros  impedirent  (ac  si  efficere  possent,  ne  iis  rebus  uti  pure  liceret,  quas  in  usum  nostrum  Dominus  sanctificavit,  modo  ne  perperam  abutamur)  nominatim  expressit  Lucas,  Paulum  illos  Castoris  et  Pollucis  titulos,  quo  minus  traiiciendi  causa  navem  illis  consecratam  conscenderet,  nihil  reformidasse.  Quod  1)  quomodo  1576.1611.