47:265  265  CAPUT  XI.  266  autem  sponte  se  illis  conformat  usque  ad  fletum  ao^Trafretav  testatur.  Causam  enim  talis  affectus  meo  iudicio  exprimit  evangelista,  quum  dicit  vidisse  Mariam  et  reliquos  flentes:  quamvis  non  dubitem  altius  eum  spectasse,  nempe  ad  communem  generis  humani  miseriam.  Tenebat  enim  quid  sibi  mandatum  esset  a  patre,  et  quorsum  in  mundum  missus  esset,  nempe  ut  nos  eximeret  malis  omnibus.  Hoc  ut  opere  ipso  praestitit,  sic  ostendere  voluit  serio  animi  affectu  se  praestare.  Ergo  Lazarum  suscitaturus,  antequam  remedium  opemque  afferat,  fremitu  spiritus,  arto  doloris  sensu  et  lacrymis  testatur  malis  nostris  perinde  se  affici  ac  si  ea  in  se  pateretur.  Sed  quomodo  fremitus  et  perturbatio  in  personam  filii  Dei  competunt?  Quia  videtur  quibusdam  absurdum  esse,  si  Christum  dicamus  tanquam  unum  aliquem  ex  hominum  numero  fuisse  humanis  passionibus  subiectum,  non  aliter  existimant  vel  doluisse  vel  gavisum  esse  nisi  quia  affectus  istos,  quoties  visum  est,  arcana  quadam  dispensatione  in  se  recepit.  In  hanc  sententiam  Augustinus  ab  evangelista  dictum  putat  quod  turbaverit  se  ipsum,  quum  alios  rapiant  sui  affectus  regnumque  vel  potius  tyrannidem  ad  turbandas  eorum  mentes  exerceant.  Sensum  ergo  esse  putat,  quod  Christus  alioqui  sedatus  et  ab  omni  passione  immunis  fremitum  et  dolorem  ultro  accersiverit.  Atqui  meo  iudicio  magis  consentanea  erit  scripturae  haec  simplicitas,  si  dicamus  filium  Dei,  quum  carnem  nostram  induit,  sponte  etiam  humanos  simul  affectus  induisse,  ut  nihil  a  fratribus,  excepto  tantum*peccato,  differret.  Hoc  modo  nihil  derogatur  Christi  gloriae,  quum  voluntaria  tantum  dicitur  fuisse  submissio,  qua  factum  est  ut  in  animae  affectibus  nobis  similis  esset.  Caeterum,  postquam  ab  initio  ee  submisit,  non  putandum  est  ab  illis  vacuum  fuisse  et  immunem,  atque  in  eo  fratrem  se  nostrum  probant,  ut  sciamus  mediatorem  nobis  esse,  qui  infirmitatibus  nostris  facile  ignoscat  et  succurrere  paratus  sit,  quas  ipse  in  se  expertus  est.  Si  quis  excipiat,  quum  vitiosae  sint  hominum  passiones,  non  congruere  ut  filio  Dei  communes  sint  nobiscum  :  respondeo,  inter  nos  et  Christum  longam  esse  distantiam.  Ideo  enim  vitiosi  sunt  nostri  affectus,  quia  intemperanter  ruunt  nec  modum  ullum  tenent:  in  Christo  autem,  quia  compositi  fuerunt  in  Dei  obsequium  et  moderati,  vitio  prorsus  carebant.  Imo  dupliciter  vitiosi  sunt  ac  perversi  hominum  affectus,  primum  quia  turbulento  motu  feruntur,  nec  ad  veram  modestiae  regulam  ordinati  sunt:  deinde  quia  non  semper  oriuntur  ex  legitima  causa,  vel  saltem  non  referuntur  ad  finem  legitimum.  Intemperiem  esse  dico,  quia  nemo  gaudet  vel  tristatur,  quantum  satis  est  et  quantum  Deus  permittit,  multi  etiam  fraenum  potius  excutiunt.  Facit  etiam  mentis  nostrae  vanitas  ut  doleamus  vel  tristemur  ob  res  nihili  vel  nulla  de  causa,  quia