29:265  265  1N  L  LIB.  SAMUEL.  CAP.  I.  266  causa  ortus  videatur,  Deus  tamen  eam  ad  tam  ardentes  preces  excitari  in  longe  alium  finem  quam  ipsa  cogitaret  voluit,  ut  nempe  Samuelem  futurum  populi  sui  iudicem  ac  prophetam  impetraret.  Saepe  quidem  viros  quosdam  magnis  rebus  praefecit,  et  in  summam  dignitatem  extulit,  nulla  stirpis  aut  nativitatis  nota  illustres,  ut  in  ipsis  suam  virtutem,  gloriam  et  misericordiam  faceret  magis  conspicuam.  Sic  Iephthe,  licet  ortus  ex  concubina,  res  tamen  magnas  et  memorandas  gessit,  Deum  fideliter  coluit,  deque  rebus  magnis  prophetias  edidit.  Sed  etiam  saepe  contra  viros  ab  utero  sanctos  excitavit,  ex  quibus  appareret,  eos  quorum  ad  ecclesiae  liberationem  uteretur  opera  vere  a  Deo  delectos.  Hoc  in  Ioanne  Baptista  conspicuum:  quem  oportebat  esse  praeconem  adventus  filii  Dei  in  carnem,  ut  homines  tempestive  ad  eum  excipiendum  per  praeconium  ipsius  excitarentur.  Patrem  eius  Zachariam  mutum  etiam  propter  incredulitatem  fieri  oportuit:  qui  recepto  vocis  usu,  prophetias  insignes  edidit.  Ita  Deus  non  dubiis  signis  ad  hunc  infantem  quum  adolevisset  tanquam  a  Deo  missum  excipiendum  suos  excitavit:  et  quo  maioribus  donis  ornavit,  tanto  maiorem  autoritatem  eius  praeconio  conciliavit.  Idem  esto  de  Samuele  iudicium,  a  Deo  designato  iudice  et  propheta,  ut  populi  sui  memor  fuisse  agnosceretur,  et  populus  in  spem  meliorem  erigeretur,  fore  nimirum  ut  misera  conditio  illa,  in  qua  videbatur  a  Deo  plane  derelictus,  in  meliorem  statum  immutaretur.  Transeamus  ad  illa  prophetae  verba,  quibus  Anna  dicitur  votum  Deo  vovisse,  fore  ut  si  Deus  illi  prolem  masculam  largiretur,  daret  eum  Domino  omnibus  diebus  vitae  eius,  ac  Nazaraeus  esset:  hic  est  enim  sensus  horum  verborum,  novaculam  non  adscensuram  super  caput  eius,  quod  in  Samsonis  historia  declaravimus.  Quod  attinet  ad  vota,  fuse  de  illis  in  historia  Iudicum  egimus,  ubi  quomodo  et  in  quem  finem  vovere  nobis  liceat  docuimus.  Nam  in  Iephthe  casu  praeclarum  habemus  exemplum,  quam  cautos  homines  in  vovendo  esse  oporteat,  ne  quid  temere  inter  vovendum  illis  excidat.  Quin  imo  si  quid  temere  in  vovendo  exciderit,  irritum  esse  oportere  diximus.  Pertinacia  siquidem  est,  non  constantia  ad  mentis  conceptiones  constanter  servandas  fidem  quae  Deo  debetur  adulterare.  Nam  ita  vovendum  est,  ut  ad  Dei  voluntatem  vota  nostra  exigamus.  Quare  haec  de  votis  pauca  hoc  loco  dicenda.  Primum,  ea  vovenda  quae  Deo  grata  et  accepta  fore,  minime  quidem  ex  quadam  opinione  aut  divinatione,  sed  eius  ipsius  ore  docti  cognovimus.  Nisi  enim  vota  ad  divini  verbi  regulam  appendantur,  irrita  et  inania  fore  certum  est.  Deinde  cavendum,  ne  supra  vires  aliquid  Deo  voveamus,  sed  ea  quae  ab  ipso  acceperimus  grato  vicissim  animo  offeramus.  Quanta  enim,  quaeso,  facinora