1:265  PRAEFATIO  AD  REGEM  GALLIAE.  7,  18  et  8,  50),  perperam  censentur  miracula,  quae  alio  quam  ad  illustrandum  unius  Dei  nomen  trahuntur.  Et  meminisse  nos  decet,  sua  esse  satanae  miracula,  quae  tametsi  praestigiae  sunt,  magis  quam  verae  virtutes,  sunt  tamen  eiusmodi,  quae  imprudentes  et  imperitos  deludant.  Magi  et  incantatores  miraculis  semper  claruerunt.  Idololatriam  stupenda  miracula  aluerunt;  quae  tamen  nec  magorum,  nec  idololatrarum  superstitionem  nobis  approbant.  Atque  hoc  olim  ariete  vulgi  simplicitatem  concutiebant  Donatistae,  quod  miraculis  pollerent.  Idem  ergo  nunc  nostris  adversariis  respondemus,  quod  tunc  Donatistis  Augustinus:  1)  Dominum  contra  istos  mirabiliarios  cautos  nos  fecisse,  quum  praedixit  (Matth.  24,  24)  venturos  pseudoprophetas,  qui  signis  ingentibus  et  prodigiis  2)  in  errorem  electos,  si  fieri  posset,  inducant.  Et  Paulus  (2  Thess.  2,  9)  admonuit,  antichristi  regnum  futurum  cum  omni  potentia  et  signis  et  prodigiis  mendacibus.  At  haec  inquiunt,  miracula  non  ab  idolis,  non  a  maleficis,  non  a  pseudoprophetis,  sed  a  sanctis  fiunt.  Quasi  vero  non  noverimus  hanc  esse  satanae  artem,  transfigurare  se  in  angelum  lucis  (2  Cor.  11,  14).  Olim  Aegyptii  sepultum  apud  se  Ieremiam  sacrificiis  aliisque  divinis  honoribus  prosequuti  sunt.  3)  Nonne  sancto  Dei  propheta  ad  idololatriam  abutebantur?  et  tamen  tali  sepulcri  veneratione  consequebantur,  ut  curarentur  a  tactu  serpentum.  4)  Quid  dicemus?  nisi  fuisse  hanc,  semperque  fore  iustissimam  Dei  vindictam,  iis  qui  dilectionem  veritatis  non  receperunt,  mittere  efficaciam  illusionis,  ut  credant  mendacio?  (2  Thess.  2,  10  et  11).  Miracula  ergo  nobis  minime  desunt,  eaque  certa  nec  cavillis  obnoxia.  Quae  autem  illi  pro  se  obtendunt,  merae  sunt  satanae  illusiones,  quando  a  vero  Dei  sui  cultu,  ad  vanitatem  populum  abducunt.  Praeterea  calumniose  nobis  patres  opponunt  (antiquos  et  melioris  adhuc  saeculi  scriptores  intelligo)  ac  si  eos  haberent  suae  impietatis  suffraga-  1)  In  Ioannem  tractat.  13,  17.  2)  signis  mendacibus  variisque  prodigiis  1543  seqq.  3)  Hieron.  in  praef.  ad  Ierem.  4)  ut  curationem  a  tactu  serpentum  putarent  iustam  illius  mercedem  esse  1559.