51:264  quand  il  luy  plaist  nous  illuminer  par  son  Sainct  Esprit,  a  fin  que  nous  soyons  attirez  a  la  foy  de  son  Evangile.  Si  cela  estoit  commun  et  indifferent,  encores  aurions-nous  de  quoy  magnifier  Dieu.  Mais  quand  nous  en  voyons  les  uns  estre  endurcis  et  les  autres  volages,  et  qui  s'en  retournent  sans  recevoir  aucun  fruict  de  ce  qu'ils  ont  entendu,  les  autres  sont  du  tout  stupides  :  il  est  certain  que  cela  nous  donne  plus  grand  lustre  de  la  grace  de  Dieu,  comme  il  est  dit  par  S.  Luc,  qu'au  sermon  de  S.  Paul  ceux  qui  estoyent  preordonnez  a  salut,  creurent.  Voila  donc  une  multitude  de  gens  qui  oyent  la  predication  de  S.  Paul.  Il  est  certain  que  de  son  coste  il  avoit  une  grace  telle,  qu'il  devoit  mesmes  quasi  toucher  les  pierres.  Tant  y  a  neantmoins  qu'il  y  en  a  beaucoup  qui  persistent  en  leur  incredulite  et  obstination  :  les  autres  croyent.  Sainct  Luc  proteste  la,  que  ce  n'est  point  que  les  uns  ayent  este  habiles  gens  et  qu'il  y  eust  desia  quelque  preparation  de  vertu  en  eux,  sinon  d'autant  que  Dieu  les  a  ordonnez  a  salut.  En  somme  donc,  nous  voyons  qu'il  faut  que  tous  merites  cessent  et  soyent  mis  bas,  ou  Dieu  n'aura  point  la  louange  qu'il  merite.  Mesmes  il  faut  cognoistre  que  la  foy  n'est  point  de  nous,  car  autrement  en  nos  oeuvres  il  y  auroit  quelque  merite.  Il  est  vray  que  par  la  foy  nous  confessons  qu'il  n'y  a  en  nous  que  toute  misere,  que  nous  sommes  damnez  et  maudits,  que  nous  n'apportons  rien  a  Dieu  sinon  une  cognoissance  de  nos  pechez.  Mais  tant  y  a  que  la  foy  serviroit  de  quelque  merite,  si  nous  l'avions  de  nostre  mouvement  propre.  Il  faut  donc  conclure  qu'il  est  impossible  que  les  hommes  puissent  croire,  sinon  d'autant  qu'il  leur  est  donne  d'enhaut.  Et  de  faict,  S.  Paul  le  declare  ici  (ce  qui  est  bien  a  noter)  quand  il  dit,  Benit  soit  Dieu.  Et  pour  quelle  raison?  d'autant  qu'en  Iesus  Christ  il  nous  a  enrichis,  tellement  que  nostre  vie  est  heureuse  et  benite.  Et  puis  il  adiouste,  selon  qjuCil  nous  avoit  eleus.  Entre  les  richesses  spirituelles  dont  sainct  Paul  fait  mention,  la  foy  n'y  est  elle  pas  comprinse?  Mais  (qui  plus  est)  elle  tient  le  degre  souverain:  car  c'est  par  la  foy  que  nous  recevons  le  S.  Esprit,  c'est  par  la  foy  que  nous  sommes  patieos  en  nos  adversitez,  c'est  par  la  foy  que  nous  sommes  obeissans  a  Dieu,  c'est  par  la  foy  que  nous  sommes  sanctifiez  a  son  service.  Brief,  la  foy  demeure  tousiours  comme  le  principal  de  tous  les  biens  spirituels  que  Dieu  nous  eslargit  Maintenant  retenons  bien  l'ordre  de  sainct  Paul.  Il  dit  que  Dieu  nous  a  donne  tant  la  foy  que  tout  le  reste,  selon  qu'il  nous  a  eleus.  Nous  voyons  donc  que  la  foy  depend  de  l'election  de  Dieu,  ou  il  faudroit  dementir  sainct  Paul.  Voila  quant  au  premier  poinct,  c'est  que  tous  ceux  qui  ne  peuvent  souffrir  qu'on  parle  haut  et  clair  de  la  predestination,  que  ceux-la  sont  enne-