5:264  mur?  Iam  et  Samaritanorum  religionem  non  ob  id  imitari  non  licebat  omnino,  quod  deorum  esset  alienorum  cultu  implicata,  sed  quod  pravo  illegitimoque  Dei  cultu  polluta  foret.  In  hoc,  mi  frater,  in  hoc  fallimur,  quod  dum  immundas  per  se  et  sacrilegas  caeremonias  esse  non  putamus,  nisi  quae  gentilium  deorum  nominibus  palam  sint  insignitae,  sacrosanctum  Dei  nomen  profanare,  summum  esse  sacrilegium  obliviscimur.  Profanatur  autem  non  magis,  dum  suppositis  aliis  diis,  plane  ipse  repudiatur:  quam  dum  commentitium  illi  quidpiam,  quod  eius  maiestatem  inhonoret,  affingitur.  Eant  nunc,  qui  ad  missalis  illius  e  panario  Dei  conspectum  genua  simulandae  religionis  causa  inclinant,  et  levius  se  delinquere  iactant,  1)  quod  sub  Dei  nomine  idolum  adorent.  Ac  si  non  illa  potius  nefaria  sui  nominis  usurpatione  bis  irrideretur  Dorninus:  quod  et  eo  nihilo  secius  relicto,  ad  idolum  curritur,  et  transire  ipse  in  panem  fingitur,  obscuro  ac  velut  magico  murmure  incantatum.  Porro  quod  omni  impiarum  superstitionum  communione  ita  praecise  interdico,  id  in  eam  partem  nolim  accipias,  quasi  earum  rerum  tibi  religionem  iniiciam,  quas  vel  effugere  omnino  non  sit  in  tua  positum  facultate,  vel  liberas  alioqui  esse  conveniat.  Neque  enim  si  intra  templorum  omnium,  quae  quidem  istic  sunt,  parietes,  infinita  quotidie  impietatis  exempla  eduntur,  idcirco  te  a  primis  eorum  limitibus  arceo,  nec  si  simulacra  omnia  nefandis  sacrilegiis  sunt  dedicata,  ideo  ea  protinus  aspicere  te2)  veto.  Quando  alterum  sine  noxa  est:  alterum,  praeter  id  quod  nihil  obest,  simul  ac  pedem  domo  extuleris,  (tanta  idolorum  multitudine  refertae  [pag.  301  s  u  n^  viae  omnes)  tui  arbitrii  esse  desinit.  Te  ergo  usque  adeo  superstitiosum  esse  nolo,  ut  templi  magis  ingressu  pedem,  aut  simulacri  aspectu  magis  oculum  pollui  existimes,  quam  si  vel  illum  in  vulgarem  quemvis  locum  inferas,  vel  hunc  in  rudem  informemque  aliquem  lapidem  coniicias.  Verum  enim,  ut  illa  tibi  esse  permissa  audis:  ita  ne  ultra  eius  libertatis  modum  licentia  progrediaris,  etiam  atque  etiam  reputes.  Hunc  modum  definire  non  improprie  mihi  videor,  quum  ab  omni  in  universum  sacrilegiorum  communione  abstinendum  tibi  doceo.  Siquidem  per  communionem,  non  simplicem  loci  propinquitatem  (quae  minime  nos  illis  implicat)  sed  tum  interiorem  consensionem,  tum  externam  quamvis  testificationem,  qua3)  in  illorum  approbationem  subscribatur,  intelligis.  Consensu  ne  illis  adhaerescant,  qui  modica  veritatis  luce  sunt  irradiati,  vix  est  timendum.  Illis  illis4)  testificationibus  scelestae  participationis  laqueis  1)  Ed.  princeps:  iactent.  2)  Ita  sola  princeps.  Caeterae  omittunt:  te.  3)  Edd.  rece.  1576  seqq.  quae  {Gallus:  par  laquelle).  4)  Alterum  illis  omittunt  1576  seqq.  Gallice  vertttut  ad  literam:  par  ces  par  ces  attestations.