20:264  4083.  FABRICIUS  CALVINO.  Praemissis  nonnullis  de  negotio  Pellizariorum  refert  se  scripto  ab  Hispanis  quibusdam  impetitum  esse  et  quaerit  an  vel  cum  proprio  periculo  respondere  debeat.  (Ex  autographo  Cod.  Genev.  109,  fol.  129.)  Amplissimo  viro  D.  D.  Ioanni  Calvino  domino  suo  et  in  Christo  patri  multum  reverendo.  Genevae.  S.  Reverendo  in  Christo  pater.  Etsi  huc  nunciatum  est  de  adversa  tua  valetudine,  idque  nuncium  nos  non  parum  pe  turba  vi  t,  tamen  quod  de  divina  erga  te  clementia  deque  tua  valetudine  optime  speraremus  nihilominus  scribendum  ad  te  duxi,  quum  ut  tibi  significarem  tuas  quas  iam  pridem  ad  me  dedisti  literas  mihi  omnes  esse  redditas,  ')  tum  ut  te  edocerem  D.  Ioannem  Tscarnerum,  civitatis  nostrae  Curiensis  amplissimum  consulem,  Lugdunum  primum  et  deinceps  ad  regem  quoque  proficisci  in  negotio  dominorum  Pdlisariorum,  hominum  tibi  no  t  is  sim  o  r  um.2)  Est  is  vir  optime  de  religione  nostra  meritus,  ideoque  dignus  quem  tu  dominorum  Pdlizariorum  nomine  literis  tuis  ad  amicos  qui  versantur  in  aula  regis  quantum  potes  diligentissime  iuves.  Quod  te  facturum  omnino  spero,  propterea  quod  de  Christianis  omnibus  optime  mereri  tibi  inprimis  sit  iucundum.  Quid  Philippi  Hispaniarum  legatus  hic  apud  nos  egerit  quantumque  effecerit  ex  D.  Consule  nostro,  si  nescis,  plene  intelliges.  De  rebus  meis  haec  pauca  aspergo.  Scripserunt  duo  contra  me  Hispani  impulsu  patrum  Tridentinorum,  quorum  scripta  acerrima  ad  vos  pervenisse  non  dubito.  Contumeliose  tractant  vestram  ecclesiam:  te  nominatim  et  praecipue  incessunt.  Responsum  quod  eis  debetur  magna  ex  parte  absolvi:  quod  percuperem  apud  vos  aliquando  excudi.  Tigurini  enim,  quod  Quinquepagicos  alioquin  infestos  experiuntur,  hanc  fortassis  aleam  subire  nolent,  licet  nihil  in  respoaso  meo  insit  quod  christianos  et  cordatos  homines  offendere  possit.  De  eo  quid  fieri  possit  ex  te  prima  occasione  audire  aveo.  Fere  qui  personae  meae  timent  mihi  autores  sunt  ne  respondeam,  qui  publicum  privato  anteponunt  respondendum  censent.  Et  certe,  nisi  bonam  causam  turpiter  prodere  et  deserere  velimus,  nebulonibus  illis  respondendum  erit.  Sed  exspecto  tamen  tuum  quoque  iudicium  quod  apud  me  sacrosanctum  est.  Haec  pauca,  re-  4083.1)  Unicam  habuimus  N.  8237.  2)  JV.  4030.