10.1:264  AD  CERTA  QUAEDAM  CAPITA.1)  Dilectissime  frater,  quia  accidit  ut  plurimum  ut  in  pecunia  foenori  locanda  incidant  multa  praeter  ius  et  aequum,  satis  tutum  non  est  si  ad  tuam  quaestionem  simpliciter  respondeam:  quis  nempe  modus  legitimi  fructus  pecuniae  statuendus  sit.  Fiet  enim  nonnunquam  ut  vel  minimus  fructus  ex  pecunia  percipi  non  possit  sine  Dei  offensione,  et  proximi  iniuria.  Quare  me  excusatum  apud  te  velim,  si  nihil  hic  certum,  ut  exspectas,  praescripsero.  Est  quidem  in  hac  civitate  certus  legibus  modus  constitutus.  Sed  non  inde  consequitur  ad  eum  etiam  modum  fructum  pecuniae  exigere  creditori  bona  conscientia  licere  a  paupere,  unde  ille  aliquo  modo  opprimatur.  Accedit  et  illud  quod  me  retinet  ne  plenius  tibi  respondeam,  quod  sciam  te  hoc  a  me  rogare  ea  de  causa  tantum,  ut  alium  quendam  redarguas  qui  omnia  hac  in  parte  sibi  permittit  me  in  consilium  non  adhibito:  quem  etiam  fortasse  ne  audire  quidem  dignaretur.  Illi  igitur  pro  me  respondeat  regula  illa  iuris  ipsius  naturalis,  quam  Dominus  Iesus  Christus  partem  summae  legis  et  prophetarum  statuit:  ne  videlicet  faciamus  alteri,  quod  factum  non  vellemus  nobis.  Quod  ad  viduam  attinet,  si  poterit  secum  liberos  abducere,  nihil  illi  pretiosius  illorum  animabus  esse  debet.  Quare  si  illi  manum  porrexerit  Dominus,  ut  ex  eo  luto  aut  abysso  potius  emergat,  parum  humane,  ne  dicam  christiane  fecerit,  si  illos  a  tergo  reliquerit.  Sed  quia  mihi  non  liquet  quae  sit  aetas  et  quae  voluntas  ac  rationes  ad  iliud  conficiendum  apposite,  illi  ea  sigillatim  expendenda  relinquo.  Quidquid  sit,  non  potest  sponte  ilios  ita  relinquere,  quin  perpetuum  inde  moerorem  sibi  conciliaturam  noverit.  Maior  est  in  nupta  difficultas.  Ut  enim  illa  a  viro  secedat,  nisi  vi  quadam  maiore  et  ad  extremum  eo  redacta,  si  illam  nomine  religionis  aut  alia  occasione  intolerandum  in  modum  habeat,  autor  esse  non  possum.  Neque  modum  illum  intolerandum  definio,  quum  domi  durius  etiam  tractari  contigerit.  Omnem  enim  tolerantiam  exhibuerit  oportet,  antequam  ad  illud  remedium  confugiat.  Si  vero  ab  idololatria  tuta  esse  non  potest  nisi  cum  aperto  vitae  periculo,  adeoque  vir  illi  instet  ut  eam  persequatur  ipsemet,  licebit  tum  illi  fuga  sibi  consulere:  non  animo  divertendi  a  viro  et  illius  deserendi,  utcunque  se  illi  durum  et  intolerabilem  exhibuerit:  sed  tantum  ut  evitet  apertum  periculum.  Ac  tantisper  fieri  poterit  fa-  1)  Ex  gallico  versum  Beza  inseruit  Tomo  Epp.  ed,  Genev.  p.  354,  Laus.  p.  370,  Hanov.  p.  414,  Chouet  p.  487,  Amst  222.