9:263  263  RESPONSIO  264  BUS  fortiter  repellit.  Haec  sunt,  inquit1)  magna  opera  Domini,  exquisita  in  omnes  voluntates  eius,  et  tam  sapienter  exquisita,  ut  quum  angelica  et  humana  creatura  peccasset,  id  est,  non  quod  voluit  ille,  sed  quod  voluit  ipsa  fecisset,  etiam  per  eandem  creaturae  voluntatem,  qua  factum  est  quod  creator  noluit,  impleret  ipse  quod  voluit:  bene  utens  et  malis  tanquam  summe  bonus,  ad  eorum  damnationem,  quos  iuste  praedestinavit  ad  poenam,  et  ad  eorum  salutem,  quos  benigne  praedestinavit  ad  gratiam.  Quantum  enim  ad  ipsos  attinet,  quod  Deus  noluit,  fecerunt:  quantum  ad  omnipotentiam  Dei,  nullo  modo  id  efficere  valuerunt.  Hoc  quippe  ipso,  quod  contra  voluntatem  Dei  fecerunt,  de  ipsis  facta  est  voluntas  eius.  Propterea  enim  magna  opera  Domini,  exquisita  in  omnes  voluntates  eius,  ut  miro  et  ineffabili  modo  non  fiat  praeter  eius  voluntatem  [pag.  20]  quod  etiam  fit  contra  eius  voluntatem:  quia  non  fieret  si  non  sineret.  Nec  utique  nolens  sinit,  sed  volens.  Nec  sineret  bonus  fieri  male,  nisi  omnipotens  de  malo  facere  posset  bene.  Nunc  horribiles  haereses  et  blasphemias,  quas  optimis  nostri  saeculi  doctoribus  petulanter  ingerere  voluit,  in  caput  Augustini  vibret.  Verum  quidem  est,  non  alibi  quam  in  scriptura  quaerendam  esse  Dei  voluntatem:  sed  ut  porcus  hic  suo  rostro  omnia  pervertit,  non  attendit,  dum  colitur  a  fidelibus  reverentia  et  sobrietas,  non  tolli  nec  in  nihilum  redigi  arcana  Dei  iudicia.  Aliud  autem  est  fidei  modestia  profundam  illam  abyssum  suspicere:  aliud  vero  contumaciter  respuere,  quia  humanos  sensus  absorbet.  Iam  ut  omnia  scripturae  testimonia,  quibus  instructi  admirabilem  Dei  providentiam  asserimus,  diluat,  satis  habet  praefari  semper  haereticos  abusos  fuisse  pietatis  praetextu,  et  in  nomine  Dei  incipere  omne  malum.  Quasi  [pag.  21]  vero  si  hoc  iactasse  sufficit,  non  eodem  responso  evertere  liceat  totam  coelestem  doctrinam,  ipsumque  Dei  nomen  obruere.  Addit  postea  se  ad  omnia  quae  possunt  obiici  duobus  modis  responsurum:  nempe  omnes  scripturae  locos,  qui  videntur  Deo  mali  causam  tribuere,  non  voluntatem  efficacem  notare,  sed  permissionem  vel  desertionem.  Facessat  calumnia  illa  de  nomine  mali  vel  peccati:  scimus  enim  nihil  magis  alienum  esse  a  Dei  natura,  quam  peccatum  :  sed  homines  propria  malitia  sic  agi,  ut  culpa  tota  penes  ipsos  resideat.  Caeterum  scripturae  locos,  quibus  diserte  exprimitur  actionis  effectus,  in  permissionem  vertere,  nimis  frivolum  effugium  est.  Atqui  sic  interpretati  sunt  patres:  nempe  quum  loquutionis  asperitas  quosdam  primo  intuitu  offenderet,  in  ea  mitiganda  dum  nimis  sunt  anxii,  et  quoquo  modo  sese  expedire  student,  ad  rem  ipsam  minus  attenti  fue-  1)  Enchir,  ad  Laur.  cap.  120.