8:263  263  DE  AETERNA  DEI  264  Dei  cultoribus  utilius  moderationis  consilium  dedisse,  quam  si  aquilarum  pennis  vestitos  supra  nubes  extulisset.  Quavis  enim  sapientia  praestantior  est  sobrietas,  quae  Dei  timore  subacta  intra  praescriptum  ab  co  intelligendi  modum  se  continet.  Eam  superbi  homines  ignorantiae  nomine,  si  libuerit,  infament:  modo  quod  in  vera  sapientia1)  praecipuum  est  teneat,  Dei  voluntatem  pro  summa  iustitiae  norma  habendo,  suam  illi  propriamque  gloriam  tribuere.  Pighio  tamen  et  similibus  nondum  satisfactum  est.  Nam  simulantes  curae  sibi  esse  Dei  honorem,  nobis  oblatrant,  quasi  alienam  illi  sua  natura  crudelitatem  affingentibus.  Negat  sibi  cum  Deo  esse  certamen.  Quam  igitur,  vel  cuius  causam  sustinet  Paulus?  Postquam  hoc  axioma  posuit,  Deum  quem  vult  indurare,  et  cuius  vult  misereri:  per  anthypophoram  subiicit:12)  Quid  ergo  [pag.  21]  adhuc  conqueritur?  Voluntati  eius  quis  resistet?  Tantae  blasphemiae  non  aliud  quam  Dei  potentiam  opponit.  Si  Deo  tyranni  personam  induunt,  qui  ad  aeternum  usque  eius  consilium  referunt  hominum  indurationem:  nos  certe  non  sumus  huius  sententiae  autores.s)  Si  Deo  sunt  iniurii,  quibus  eius  voluntas  omnibus  causis  potior  est,  hoc  Paulus  ante  nos  tradidit.  Cum  eo  igitur  disceptent.  Neque  enim  aliud  in  praesentia  disputo,  quam  ab  eo  fuisse  proditum  quod  docemus.  Quanquam  de  canibus  istis  non  adeo  essem  sollicitus.  Magis  quorundam  non  malorum  alioqui  hominum  anxietas  me  commovet,  qui  dum  metuunt  quidquam  Deo  eius  bonitate  indignum  adscribere,  hoc  ipsum  exhorrent,  quod  de  se  per  os  Pauli  Deus  testatur.  Pium  quidem  asserendae  ab  omni  calumnia  Dei  iustitiae  studium  amplector.  Laudanda  quoque  modestia  esset,  nisi  eam  gigneret  morositas  occulto  quodam  fastu  turgida:  siquidem  ex  proprio  sensu  loquuntur.4)  Cur  enim  verentur,  si  quid  ultra  mentis  suae  captum  Dei  potentiae  concedant,  ne  periclitetur  eius  iustitia,  nisi  quia  eius  tribunal  suae  cognitioni  subiicere  non  dubitant?  Paulus  intolerabilem  esse  superbiam  ostendit,  si  mortalis  homo  sibi  iudicium  in  fratrem  sumat,  quia  unus  sit  iudex,  cui  stamus  omnes  et  cadimus,  et  cui  omne  genu  flecti  oportet  (Rom.  14,  10).  Cuius  ergo  insaniae  erit,  cristas  in  iudicem  [pag.  22]  ipsum  attollere,  ut  eius  potestatem  sensu  nostro  metiamur?  Ergo  qui  verecundiam  hanc  sibi  obstare  causantur,  ne  Paulo  subscribant:  primum  fateantur  necesse  est,  quam  Deo  iustitiae  laudem  deferunt,  se  ad  animi  sui  sensum  restringere:  sin  1)  sapientia  iam  Gallas.  et  seqq,  om  i  es.  2)  il  demande  a  l'opposite,  comme  en  Ia  personne  des  mesdisans.  3)  mais  le  sainct  Esprit.  4)  Hoc  ultimum  commo,  deest  m  versione.