6:263  RESPONSIO  CONTRA  PIGHIUM  substantia  formatas  :  sed  incidere  in  malignum  principem,  mundi  fabricatorem,  et  ab  hoc  principe  contrahere  contagionem,  et  in  diversa  corpora  seminari.  In  hoc  tamen  conveniunt  omnes  una  cum  Montano  et  reliquis  similibus,  quod  hominem  malum  esse,  non  lapsu  et  propria  culpa,  sed  ipsa  creatione,  pronunciant;  nec  vitium  accidisse  dicunt  naturae  nostrae,  sed  substantiae  inhaerere:  adeoque  substantiam  ipsam  malam  esse  ac  vitiosam.  Ne  ergo  Deum  bonum  cogantur  facere  mali  autorem,  ad  diabolum  principem  tenebrarum  hominis  creationem  referunt.  Nostra  non  aliunde  referam  quam  ex  ore  ipsius  adversarii.  Quanquam  enim  nihil  non  calumniando  pervertit,  continere  tamen  se  non  potuit,  in  tam  clara  luce,  quin  testimonium  hoc  nobis  redderet.  1)  Nempe  nos  dicere  hominem  dupliciter  considerandum:  primum  in  ea  integritate,  in  qua  conditus  fuit,  deinde  in  ea  miseria,  in  quam  proprio  vitio  delapsus  est.  Ad  imaginem  quippe  Dei  fuisse  creatum  Adam,  eximiis  dotibus  ornatum,  iustitiae,  veritatis,  sapientiae:  idque  hac  lege,  ut  non  ipse  tantum,  sed  omnes  eius  filii  sic  victuri  essent,  si  in  ea  integritate,  quam  acceperat,  perstitisset.  Verum  non  stetisse  diu;  sua  igitur  ingratitudine  donis  illis  fuisse  exutum:  excidisse  proinde  ab  illa  Dei  similitudine,  et  induisse  novam  imaginem.  Ignorantiae  enim,  et  impotentiae,  iniustitiae  et  vanitati  fuisse  subiectum;  atque  in  has  miserias  demersum,  suam  quoque  progeniem  iisdem*  implicuisse.  Iam  ex  Pighii  confessione  habeo,  nos  non  naturae,  non  primae  hominis  origini  tribuere,  quod  malus  sit,  [pag.  43]  sed  eius  culpae  duntaxat,  qua  miseriam  hanc  sibi  accersivit.  Neque  enim  negamus,  liberi  arbitrii  conditum  fuisse  hominem,  qui  et  sana  mentis  intelligentia,  et  rectitudine  voluntatis  praeditus  fuerit.  Nunc  quidem  captivum  teneri  sub  peccati  servitute  arbitrium  nostrum  asserimus.  Sed  unde  id?  nisi  quia  libero  arbitrio  abusus  est  Adam,  quum  haberet?  Sed  quid  hic  verba  perdo?  quum  plus  satis  ad  nostram  defensionem  sufficiant,  quae  Pighius  ex  nobis  recitat.  Haec  enim  illic  mea  sunt  verba  :2)  Quare  ruinam  nostram  naturae  depravationi  imputandam,  meminerimus,  ne  in  Deum  ipsum  naturae  autorem  stringatur  accusatio.  Haerere  quidem  exitiale  illud  vulnus  in  natura  verum  est:  sed  multum  refert,  accesseritne  aliunde,  an  ab  origine  insederit.  Constat  autem,  per  peccatum  inflictum  fuisse.  Non  est  igitur  cur  conqueramur,  nisi  de  nobis  ipsis,  etc.  Et  adhuc  nos  Cerdoni,  Valentino  et  Manichaeis  similes  faciet  Pighius?  Illi  hominem  sub-  1)  Capite  ultimo  lib.  I.  2)  Haec  nunc  leguntur  Instit  L.  IL  Cap.  I.  §.  10;  edit,  nostrae  Tom.  U.  p.  184.