55:263  263  EPIST.  PETRI  I  264  ergo  radices  in  nobis  agat,  ut  deinde  proferat  confessionis  fructum.  16.  Cum  mansuetudine,  valde  necessaria  admonitio.  Misi  enim  ad  modestiam  compositae  sint  mentes,  statim  contentiones  ebulliunt.  Mansuetudo  autem  tam  superbiae  et  ventosae  ostentationi,  quam  nimio  fervori  opponitur.  Huic  merito  timorem  coniungit:  nam  ubi  obtinet  Dei  reverentia,  omnem  animorum  ferociam  domat:  praesertim  vero  efficit  ut  placide  tractemus  Dei  mysteria.  Nam  inde  oriuntur  contentiosae  disputationes,  quod  bona  pars  minus  honorifice  quam  decebat,  de  coelestis  sapientiae  magnitudine  sentiens,  profana  audacia  effertur.  Quare  si  Deo  fidei  nostrae  confessionem  probare  volumus,  absit  omnis  iactantia,  facessat  omnis  contentio.  Conscientiam  habentes.  Quia  parum  autoritatis  habet  sermo  absque  vita,  ideo  fidei  professioni  bonam  conscientiam  adiungit.  Videmus  enim  plerosque  satis  prompta  esse  lingua,  et  multa  libere  effutire,  nullo  tamen  profectu,  quoniam  vita  non  respondet.  Deinde  sola  est  conscientiae  integritas,  quae  nobis  dat  fiduciam  loquendi  ut  oportet.  Nam  qui  multa  garriunt  de  evangelio,  vita  autem  dissoluta  coargui  possunt  impietatis,  non  modo  se  faciunt  ridiculos,  sed  doctrinam  ipsam  prostituunt  impiorum  calumniis.  Cur  enim  nuper  iubebat  nos  ad  defensionem  paratos  esse,  si  quis  fidei  nostrae  rationem  postulet:  nisi  quod  Dei  doctrinam  nostrum  est  vindicare  a  sinistris  suspicionibus  quibus  eam  gravant  imperiti?  Atqui  parum  hic  valebit  linguae  patrocinium,  nisi  vita  simul  respondeat.  Ideo  dicit,  ut  p  u  d  e  f  i  a  n  t  qui  vituperant  bonam  vestram  in  Christo  conversationem,  quia  tanquam  maleficis  obloquuntur.  Ac  ei  diceret,  si  nihil  habent  adversarii  quod  carpant  in  vobis,  nisi  quia  Christum  sequimini,  tandem  ipsos  malitiae  suae  pudebit:  vel  saltem  innocentia  vestra  ad  eos  refutandos  sufficiet.  17.  Praestat  enim  benefaciendo  (si  ita  fert  voluntas  Dei)  pati,  quam  malefaciendo.  18.  Quia  et  Christus  semel  pro  peccatis  passus  est,  iustus  pro  iniustis,  ut  nos  adduceret  Deo,  mortificatus  quidem  carne,  vivificatus  autem  spiritu.  17.  Praestat  enim.  Hoc  non  ad  proximam  modo  sententiam,  sed  ad  totum  complexum  pertinet.  Loquutus  est  de  fidei  professione,  quae  illo  tempore  periculosa  erat:  nunc  dicit  multo  esse  melius  si  quid  incommodi  pro  bonae  causae  defensione  sustineant,  sic  iniuste  pati,  quam  si  ob  sua  flagitia  plectantur.  Haec  consolatio  arcana  potius  meditatione  quam  longo  verborum  circuitu  percipitur.  Passim  quidem  hoc  apud  profanos  scriptores  occurrit,  satis  esse  praesidii  in  bona  conscientia,  quidquid  malorum  accidat,  et  perferre  necesse  sit.  Lo-