52:263  263  EPIST.  PAULI  AD  TIMOTHEUM  L  264  constituerat.  Nam  inde  admonebatur  ad  quid  vocatus  foret  Ideoque  addit,  m  i  l  i  t  e  s  in  i  l  l  i  s  :  quo  significat  Timotheum  tali  Dei  approbatione  fretum  animosius  debere  pugnare.  Quid  enim  plus  alacritatis  addere  nobis  vel  debet,  vel  potest,  quam  quum  scimus  nos  divinitus  ordinatos  ad  agendum  quod  agimus?  Haec  arma  sunt  nostra,  haec  praesidia  quibus  muniti  nunquam  deficimus.  Militiae  nomine  subindicat  certandum  esse.  Atque  in  universum  piis  id  convenit:  proprie  tamen  christianis  doctoribus,  qui  sunt  velut  antesignani  aut  duces.  Perinde  ergo  est  ac  si  diceret,  Tu  si  non  potes  absque  certamine  munus  tuum  exsequi,  memineris  te  Dei  oraculis  ad  victoriae  spem  certissimam  esse  instructum:  atque  hac  recordatione  te  excites.  Bona  enim  est  militia,  hoc  est  gloriosa  et  salutaris,  quam  sub  Dei  auspiciis  militamus.  19.  Habens  fidem  et  Ionam  conscientiam.  Fidei  nomen  generaliter  accipio  pro  sana  doctrina.  Qua  significatione  et  capite  3,  8  mysterium  fidei  ponit.  Et  certe  duo  haec  praecipue  in  doctore  requiruntur:  ut  puram  evangelii  veritatem  retineat,  deinde  eam  administret  bona  conscientia  et  sincero  zelo.  Ubi  utrumque  istorum  aderit,  sponte  etiam  reliqua  sequentur.  A  qua  aversi  quidam.  Ostendit  quam  necessarium  sit  bonam  conscientiam  cum  fide  coniungi:  quia  e  converso  malae  conscientiae  poena  sit  a  recto  defectio.  Qui  non  pura  animi  integritate  serviunt  Domino,  sed  pravis  affectibus  indulgent,  etiamsi  prius  sanam  intelligentiam  habuerint,  ab  ea  prorsus  excidunt.  Locus  diligenter  observandus.  Scimus  incomparabilem  esse  sanae  doctrinae  thesaurum.  Quare  nihil  magis  timendum  quam  ut  nobis  auferatur.  Atqui  unicam  eius  custodiendi  rationem  Paulus  hic  praescribit,  si  obseratus  fuerit  bona  conscientia.  Idque  quotidie  experimur.  Unde  enim  fit  ut  abiecto  evangelio  tam  multi  ad  impias  sectas  proruant,  vel  errorum  portentis  implicentur?  Nempe  quia  hoc  excaecationis  genere  hypocrisin  ulciscitur  Deus:  quemadmodum  sincerus  Dei  timor  ad  perseverantiam  confirmat.  Duo  hinc  discenda  sunt.  Primum  admonentur  doctores  et  evangelii  ministri,  atque  in  eorum  persona  totae  ecclesiae,  quantopere  fucatam  et  fallacem  verae  doctrinae  professionem  horrere  debeant,  quam  adeo  severe  puniri  audiunt.  Deinde  tollitur  scandalum,  quod  plerosque  non  leviter  turbat,  dum  aliquos  vident  qui  prius  Christo  et  evangelio  nomen  dederant,  non  modo  relabi  ad  pristinas  superstitiones,  sed,  quod  longe  deterius  est,  prodigiosis  erroribus  fascinatos  teneri.  Nam  talibus  exemplis  evangelii  maiestas  palam  vindicatur,  ac  palam  ostendit  Deus  se  eius  profanationem  nullo  modo  ferre  posse.  Atque  id  omnium  saeculorum  experientia  docuit.  Quidquid  errorum  ab  exordio  christianae  ecclesiae  exstitit,  ab