51:263  263  SERMON  II  264  de  Dieu  n'est  pas  assez  cognue,  sinon  que  l'election  nous  soit  la  mise  comme  devant  les  yeux.  Car  prenons  le  cas  que  Dieu  ait  attire  les  hommes  d'une  condition  pareille,  et  que  ceux  qui  veulent  obtenir  salut,  doyvent  venir  par  leur  franc-arbitre,  et  par  leur  mouvement  propre:  si  cela  est,  il  est  certain  que  nous  meritons  que  Dieu  nous  accepte,  et  qu'il  traitera  chacun  selon  qu'il  aura  desservi.  En  quoy  est-ce  que  la  bonte  de  Dieu  sera  magnifiee  ?  C'est  quand  il  nous  previent  par  sa  pure  liberalite,  et  sans  qu'il  trouve  en  nos  personnes  ni  en  nos  oeuvres  pourquoy  ils  nous  doyve  aimer,  neantmoins  qu'il  nous  aime.  Si  cela  est,  il  faut  donc  qu'il  y  ait  election,  et  que  Dieu  prenne  les  uns,  pource  que  bon  luy  semble  ainsi,  et  qu'il  laisse  les  autres.  Voila  donc  une  chose  toute  conclue  :  c'est  que  la  gloire  de  Dieu  n'apparoist  et  ne  reluit  pas  comme  il  est  requis,  sinon  qu'on  cognoisse  que  la  ou  bon  luy  semble  il  desploye  sa  bonte  et  son  amour.  Tay  desia  dit  que  c'est  un  bien  singulier  qu'il  nous  fait  quand  sa  parole  nous  est  preschee.  Et  voila  pourquoy  tant  souvent  en  la  Loy  et  aux  Prophetes  il  est  dit  que  Dieu  n'avoit  point  fait  a  toutes  nations  comnie  a  la  lignee  d'Abraham,  d'autant  qu'il  l'avoit  voulu  choisir  et  adopter:  et  la  Loy  en  rendoit  certain  tesmoignage.  Alors  dond  les  enfans  d'Israel  estoyent  exhortez  a  louer  Dieu,  d'autant  qu'il  avoit  bien  daigne  leur  donner  la  Loy  :  et  cependant  avoit  delaisse  les  povres  Payens,  comme  gens  qui  ne  luy  appartenoyent  en  facon  que  ce  fust.  Mais  c'est  encores  un  plus  grand  privilege  et  plus  special,  quand  il  fait  que  ceste  parole  la  profite.  Car  il  est  certain  que  nous  aurions  les  aureilles  batues  iournellement  de  ce  qu'on  nous  declareroit,  sans  qu'il  nous  profitast,  iusques  a  ce  que  Dieu  par  son  S.  Esprit  parle  a  nous  au  dedans.  Il  y  a  donc  ici  double  grace  de  Dieu.  L'une  c'est  quand  il  suscite  gens  qui  nous  preschent  l'Evangile  :  car  il  n'y  a  nul  idoine  ni  suffisant  pour  ce  faire.  Il  faut  donc  que  Dieu  envoye  ceux  qui  nous  appellent  a  luy  et  qui  nous  proposent  l'esperance  de  salut.  Mais  cependant  notons  bien  que  nous  ne  pouvons  croire  sinon  d'autant  que  Dieu  se  revele  a  nous  par  son  S.  Esprit,  et  quand  il  aura  ainsi  parle  a  nos  aureilles  par  la  bouche  d'un  homme,  qu'il  parle  a  nos  coeurs  par  son  S.  Esprit.  Et  voila  pourquoy  le  Prophete  Isaie  dit  au  53.  chapitre:  Qui  est-ce  qui  croira  a  nostre  doctrine,  et  le  bras  du  Seigneur  a  qui  sera-il  revele?  Il  monstre  qu'il  n'y  a  nulle  foy  au  monde,  iusques  a  ce  que  Dieu  ait  besongne  aux  esprits  et  aux  coeurs  par'la  vertu  de  son  S.  Esprit.  Et  voila  pourquoy  aussi  nostre  Seigneur  Iesus  dit,  que  nul  ne  vient  a  luy  qu'il  ne  soit  attire  du  Pere:  mais  quiconques  (dit-il)  a  apprins  de  mon  Pere,  celuy-la  s'assuietit  a  moy.  Brief,  nous  voyons  manifestement  que  Dieu  se  monstre  pitoyable  envers  nous,