50:263  263  EPIST.  PAULI  AD  GALATAS  264  praestandisque  beneficiis  et  exercenda  liberalitate  defatigemur.  Praeceptum  in  primis  necessarium.  Nam  ��quum  ad  officia  caritatis  simus  natura  plus  satis  pigri,  innumera  subinde  offendicula  superveniunt,  quae  bene  animatos  retardent.  Incidimus  in  multos  indignos,  in  multos  ingratos:  ipsa  necessitatum  multitudo  nos  obruit:  hic  et  illic  erogando  exhaurimur  :  aliorum  frigus  ardorem  nostrum  exstinguit.  Postremo,  totus  mundus  plenus  est  impedimentorum,  quae  nos  a  recto  cursu  avertant.  Bene  ergo  Paulus,  qui  nos  confirmat  ne  fessi  resideamus.  Si  non  defecerimus.  Hoc  est,  ita  demum  metemus  quem  Deus  promittit  fructum,  si  ad  finem  usque  perstiterimus.  Nam  qui  non  perseverant,  similes  sunt  ignavis  agricolis,  qui,  postquam  ararunt  et  seminarunt,  opus  relinquunt  imperfectum,  quum  occatio  necessaria  esset,  ne  semen  aut  vorent  aves,  aut  sol  exurat,  aut  frigus  absumat.  Ita  frustra  incipimus  benefacere,  nisi  ad  metam  usque  pergamus.  Temporis  opportuni  meminit,  ne  quis  fructum  in  hac  vita  praecerpere  cupiens,  spirituali  messe  privetur.  Spe  igitur  et  patientia  suum  desiderium  sustineant  fideles  ac  refraenent.  10.  Ubi  tempus  habemus.  Prosequitur  similitudinem.  Nam  quia  non  omne  tempus  culturae  et  sationi  aptum  est,  occasionem  sedulo  urgent  strenui  et  cordati  agricolae,  nec  eam  otiosi  praeterire  sinunt.  Quum  igitur  totam  praesentem  vitam  arationi  sementique  faciendae  destinaverit  Deus,  tempore  utamur  :  ne  auferatur  nobis  facultas,  si  negligentes  fuerimus.  Caeterum  Paulus  a  liberalitate  erga  ministros  exorsus  doctrinam  suam  nunc  latius  extendit.  Iubet  enim  omnibus  benefacere:  sed  praesertim  domesticos  fidei  commendat,  hoc  est  fideles,  quum  eiusdem  sint  nobiscum  familiae.  Ideo  enim  hac  metaphora  usus  est,  ut  communicatio  ipsa,  quam  necesse  est  inter  unius  familiae  membra  esse,  nos  magis  incitaret.  Omnibus  ergo  nos  debitores  facit  communis  humanitas,  sed  fidelibus  vinculum  arctius  spiritualis  cognationis,  quam  Dominus  inter  nos  sacravit.  11.  Videtis  qualibus  literis  vobis  scripserim  mea  manu.  12.  Quicunque  volunt  placere  iuxta  faciem  in  carne,  hi  cogunt  vos  circumcidi,  tantum  ut  ne  persequutionem  sustineant  cruce  Christi.  13.  Neque  enim  qui  circumcidunt^.,  ipsi  legem  servant:  sed  volunt  "vos  circumcidi,  ut  in  carne  vestra  glorientur.  l  l  .  Videtis.  Verbum  graecum  dubiam  habet  terminationem,  quae  tam  imperativo  quam  indicativo  convenit.  Sed  ad  sensum  nihil  aut  parum  refert.  Paulus,  ut  sollicitudinem  suam  magis  commendet  Galatis,  commemorat  se  propria  manu  tam  longam  epistolam  scripsisse.  Simul  etiam  ut  atten-