47:263  263  IN  EVANGELIUM  IOANNIS  264  vitam  semel  adepti  postea  sibi  relinquerentur?  Ergo  continuum  vitae  statum  in  eiusdem  Christi  virtute  fundatum  esse  oportet,  ut  quod  coepit  perficiat.  Fideles  autem  ideo  dicuntur  nunquam  mori,  quia  eorum  animae  incorruptibili  semine  renatae  spiritum  Christi  in  se  manentem  habent,  quo  assidue  vegetantur.  Nam  etsi  corpus  morti  obnoxium  est  propter  peccatum,  spiritus  tamen  ille  vita  est  propter  iustitiam,  Rom.  8;  10.  Quod  autem  exterior  homo  quotidie  in  illis  corrumpitur,  adeo  nihil  inde  verae  ipsorum  vitae  decedit,  ut  eius  progressus  adiuvet,  quia  interior  fcomo  renovatur  de  die  in  diem,  2.  Cor.  4,  16.  Imo  ipsa  mors  quaedam  illis  a  mortis  servitute  manumissio  est.  Credis  hoc?  Videtur  prima  specie  Christus  ideo  de  spirituali  vita  disserere,  ut  a  praesenti  desiderio  Marthae  animum  abducat.  Optabat  Martha  restitui  fratri  suo  vitam:  excipit  Christus,  se  vitae  praestantioris  esse  amorem,  quia  scilicet  coelesti  virtute  fidelium  animas  vivificet.  Caeterum  non  dubito  quin  duplicem  gratiam  complecti  voluerit,  generaliter  ergo  spiritualem  vitam  commendat,  quam  suis  omnibus  confert,  sed  inde  gustum  praebere  vult  huius  virtutis,  quam  mox  in  suscitando  Lazaro  ostensurus  erat.  27.  Certe,  Domine.  Ut  probet  Martha  se  credere  de  Christo  quod  audierat,  ipsum  esse  resurrectionem  et  vitam,  respondet  se  credere  ipsum  esse  Christum  et  filium  Dei,  ut  certe  haec  cognitio  summam  bonorum  omnium  in  se  comprehendit:  tenendum  enim  semper  est  quorsum  promissus  esset  Messias,  et  quod  illi  officium  tribuant  prophetae.  Quum  autem  eum  esse  Martha  confitetur  qui  venturus  erat,  fidem  suam  confirmat  prophetarum  vaticiniis.  Unde  sequitur,  plenam  rerum  omnium  instaurationem  et  solidam  felicitatem  ab  eo  sperandam  esse:  denique  missum  esse,  ut  verum  et  absolutum  regni  Dei  statum  erigat  et  componat.  28.  Quum  haec  dixisset  abiit,  et  vocavit  Mariam  sororem  suam  secreto,  dicens  :  Magister  adest,  et  vocat  te.  29.  Illa  simul  atque  audivit,  surgit  confestim  et  venit  ad  eum.  30.  Nondum  autem  venerat  Iesus  in  castellum,  sed  erat  in  loco,  ubi  occurrerat  ti  Martha.  31.  Iudaei  ergo,  qui  erant  cum  ea  domi,  et  consolabantur  eam,  videntes  quod  Maria  subito  surrexisset  et  exiisset,  sequuti  sunt  eam,  dicentes:  Vadit  ad  monumentum,  ut  ploret  illic.  32.  Maria  ergo,  postquam  venit,  ubi  erat  Iesus,  quum  vidisset  eum,  cecidit  ad  eius  pedes,  dicens  ei  :  Domine,  si  fuisses  hic,  non  fuisset  mortuus  frater  meus.  33.  Iesus  ergo,  ut  vidit  eam  flentem,  et  Iudaeos  qui  convenerant  cum  ea  flentes,  infremuit  spiritu  et  turbavit  se  ipsum.  34.  Et  dixit:  Ubi  posuistis  eum?  Dicunt  ei:  Domine,  veni  et  vide.  35.  Lacrymatus  est  Iesus.  36.  Dicebant  ergo  Iudaei:  Ecce  quomodo  amabat  eum.  37.  Quidam  autem  ex  illis  dixerunt:  Non  oterat  hic,  qui  aperuit  oculos  caeci,  facere,  ut  etiam