29:263  263  HOMILIA  III.  264  imo  ne  rimam  quidem  ullam  Satanae  ad  desperationem  nos  8ollicitantis  aperiamus.  Davidis  exemplum  imitemur,  quem  nunquam  orando  defatigatum  preces  eius  testantur,  tempore  praesertim  opportuno,  in  summis  angustiis  positi,  et  hostium  pedibus  veluti  provoluti.  Sic  bene  monet  nos  etiam  Iacobus,  ut  quo  quis  cum  maioribus  difficultatibus  luctatur,  eo  ardentiores  ad  Deum  preces  ingeminet.  Nostro  enim  vitio  plerumque  accidit,  ut  ingruentibus  calamitatibus  videatur  a  nobis  alienior  Deus  ac  remotior.  Atque  adeo  quemadmodum  eius  in  hoc  mundo  beneficia  quibus  cumulamur  totidem  sunt  nobis  divini  favoris  signa,  sic  contra  quaecunque  afflictiones  aut  persequutiones  ingruerint,  totidem  irae  et  furoris  ipsius  testimonia  videntur.  Quare  tunc  maxime  sunt  in  usum  a  nobis  prophetarum  insignia  consolationis  dicta  revocanda,  ac  praesertim  Davidis,  qui  malorum  ingenti  multitudine  oppressus,  velut  ex  profundo  gurgite  et  profundissima  miseriarum  abysso  precibus  istis  ad  Deum  assurgit:  Quemcunque  gratia  tua  dignaris,  deprecabitur  te  tempore  quo  inveniris,  puta  in  ipsarum  afflictionum  acie:  quasi  dicat;  Futurum  est,  ut  tui  omnes  praesens  tuum  auxilium  in  summis  afflictionibus  experti  confugiant  ad  te  praesentiore  animo  opem  flagitatur!.  Ac  procul  dubio  minime  dubitandum  quin  Deus  in  mediis  afflictionibus  manum  suam  auxiliatricem  exserat.  Sed  tempus  est,  ut  Deo  Opt.  Max.  facti  supplices,  et  coram  eius  veneranda  maiestate  procunibentes,  cum  agnitione  tot  tantorumque  peccatorum  quibus  eius  iram  in  nos  indesinenter  provocamus,  precemur  eum  ut  in  animum  et  mentem  nostram  instillet  studium  toto  vitae  nostrae  curriculo  sincere  ipsum  venerandi  colendique:  ac  quemadmodum  suam  nobis  voluntatem  patefacere  dignatus  est,  ita  nos  invicem  sancti  sui  spiritus  vinculo  uniat,  ut  vera  Domini  nostri  Christi  membra  fiamus:  atque  adeo  non  tantum  ab  aliorum  iniuriis  abstineamus:  sed  etiam  quascunque  contumelias  patienter  feramus,  earumque  vindictam  uni  Deo  permittamus.  Quibus  Deus  insigniores  dotes  largitus  fuerit,  cum  proximis  easdem  non  iugrate  communicent.  Denique  ne  simultatibus  locum  ullum  demus,  sed  in  ipsius  schola  maiores  in  dies  progressus  facientes,  nos  ad  rationem  in  eius  conspectu  factorum  nostrorum  reddendam  apparemus,  in  gloriam  eius  unicam  quamdiu  in  terris  degimus  intenti,  ad  quam  solam  nati  sumus.  Yerae  in  nobis  religionis  fundamentis  positis,  sic  vitam  instituamus,  ut  in  dies  auctiores  et  meliores  facti  ab  eius  unius  voluntate  pendeamus,  proximosque  ad  meliorem  vitam  exemplo  nostro  degendam  incitemus.  Neque  vero  nobis  solis  gratiam  hanc,  sed  omnibus  populis  ac  gentibus  deprecemur,  ete.