20:263  263  EPISTOLAE  4082.4085  264  mala  essent  consequuta:  se  vero  nunquam  passurum  ut  similibus  calamitatibus  regnum  involveretur.  Regia  maiestas  utrique  silentium  imperavit.  Tandem  frustra  certante  Satana  conclusum  est,  Regem  tum  demum  de  subscriptione  deliberaturum  quum  Caesaris  et  aliorum  regum  voluntatem  cognoverit  et  ab  ipso  Pontifice  canones  istos  acceperit.  Cardinalis  enim  non  Pontificis  sed  concilii  legatum  agebat.  Ita  nunc  quidem  fracta  sunt  illorum  consilia  et  datur  interea  fratribus  respiratio.  Spes  est  aliqua  de  pace  cum  Anglo,14)  sed  tamen  nihil  adhuc  est  confectum.  Puto  Regem  primum  Remos,  inde  Barrum,  ac  tandem  etiam  per  Burgundiam  Lugdunum  venturum,  nisi  (quod  saepissime  solent)  consilium  in  aula  mutant.  15)  Regina  Navarrae,  nullis  Philippi  minis,  nullis  Papae  citationibus  iam  peremptoriis  commota  idololatriam  in  sua  ditione  funditus  profligare  pergit.  Misit  ad  nos  superioribus  diebus  proprium  nuncium  cum  literis  ita  pie  et  cordate  scriptis,  ut  plane  dignum  sit  eius  mulieris  exemplum  omnium  saeculorum  memoria.  Petit  inter  caetera  sese  in  publicis  precibus  nominatim  Domino  commendari,  et  addit  sese  paratam  esse  non  modo  regnum,  sed  etiam  omnes  opes,  sed  et  vitam  amittere,  dummodo  Christum  suum  possit  in  eius  ditionis  possessionem  mittere  quam  ab  eo  accepit  administrandam.  Digna  est  illa,  si  qua  hodie  in  toto  terrarum  orbe,  cuius  salutem  et  vos  Domino  commendetis.  Haec  habui  de  rebus  Gallicis.  Ego  quod  ad  me  attinet,  ne  quid  inde  in  nos  mali  dXaaicoQ  ille  Cardinalis  fabricet,  quam*  ex  Tridentino  concilio,  metuo.  Sed  haec  omnia  sunt  in  manu  Domini,  qui  nos  procul  dubio  a  coelo  Brentiano  16)  non  minus  quam  ab  inferis  papisticis  tuebitur.  Bene  vale,  mi  pater.  Dominus  Iesus  nos  per  suam  misericordiam  magis  ac  magis  sancta  sua  veritate  copulet,  teque  cum  omnibus  fratribus  et  symmystis  mihi  plurimum  observandis  feliciter  servet  in  diem  Domini  cuius  gratiae  vos  omnes  commendo.  Calvinum,  ut  puto,  iam  non  miraris  nihil  rescribere.  Eum  et  nos  omnes  in  eo,  mi  frater,  assidue  quaeso  Domino  commendate.  Iterum  vale.  Genevae  6.  Martii.  Tuus  Beza.  14)  Languet  d.  d.  6.  Mart.  p.  286:  Agitur  de  pace:  si  non  succedat  ea  actio  sine  dubio  hac  aestate  geretur  bellum  maioribus  viribus  quam  antea.  15)  Idem  287;  Eegina  nondum  deposuit  voluntatem  proficiscendi  in  Lotharingiam,  et  putatur  celebratura  Rhemis  festum  resurrectionis  dominicae.  16)  ubiquistarum.