15:263  263  EPISTOLAE  2026.2029  264  nonnulli  ex  nobis  in  administrandis  sacramentis  quaedam  sine  caeterorum  consensu  novaverant,  quae  nec  Princeps  nec  superintendentes,  nec  caeteri  fratres  ad  huius  ecclesiae  aedificationem  facere  iudicabant.  2)  Et  quanquam  illi  serio  affirmarent,  se  nihil  in  ea  sine  tuo  et  Farelli  consilio  egisse,  tamen  Princeps  et  sui  nunquam  adduci  potuerunt  ut  crederent  tantos  Christi  servos  a  ratione  et  iudicio  sic  esse  alienos,  ut  altera  parte  non  audita  alteram  in  sententia  confirmarent,  nedum  reae  subscriberent:  quemadmodum  etiam  se  ea  de  re  per  literas  ad  me  scriptas  purgavit  pius  noster  Farellus.  Breviter,  mi  colendissime  frater,  quum  scias  et  videas,  mundum  hunc  totum,  si  unquam  alias,  svcophantis  et  delatoribus  plenum,  atque  ex  credulitate  malas  suspiciones,  dissidia  et  alia  innumera  mala  oriri  in  ecclesiis,  obsecro  te  per  D.  Iesum  ne  ullis  de  nobis  delationibus  facile  pateant  aures  tuae,  sed  sufferentes  et  amantes  mutuo,  diem  Domini  exspectantes  nos  mutuis  precibus  adiuvemus:  quod  me  tibi  pro  mea  parvitate  praestiturum  polliceor.  Optime  vale  cum  collegis  tuis  omnibus,  quos  mihi  reverenter  in  Domino  salutabis.  Mombelgardiae  9.  Octobris  1554.  Tuus  ex  animo  P.  Tossanus.  Beraldus  noster  te'salutat,  cui  Gymnasium  exstruitur.  2027.  CALVINUS  FARELLO.  (Edidit  Beza  Gen.  p.  91,  Laus.  p.  693,  Hanov.  p.  779,  Chouet  p.  122,  Amat.  p.  55.)  Binas  abs  te  literas  *)  paucis  abhinc  diebus  accepi.  Priores  attulit  hic  noster  Raymundus,  alterae  mihi  a  fratre  meo  sunt  redditae.  Verum  iam  ante  Baymondi  adventum  abierat  Viretus.2)  Ad  eum  igitur  utrasque  misi  ut  ipse  quoque  ad  eas  quod  visum  fuerit,  respondeat.  Fratres,  sicut  dicis,  commendemus  Domino,  quando  aliud  restat  nihil.3)  2)  En  tibi  initium  tristis  illius  inter  Tossanum  et  Farellum  et  suos  dissidii.  2027.1)  deperditas.  2)  Cf.  N.  1924.  Die  27.  Sept  verba  fecerat  in  senatu.  3)  Agit  de  Gallis.  Combustus  est  postridie  Idus  Oct  in  oppido  Grat/,  Nic.  Duchesne  oriundus  e  Beaumont  Campaniae  gallicae,  qui  Lausannae  degens  sororem  accersere  voluerat:  Nemausi  Petrus  de  la  Vau,  Lutetiae  Paulus  Musnier  Aurelianensis  qui  ex  Anglia  profugus  Helvetiam  petebat:  paulo  post  m.  lanuario  ibidem  lo.  Filleul  et  Iulianus  Leveille  (Hist  d.  Martyrs).