10.1:263  CONSILIA.  requiris.  Quaeris  igitur,  ecquid  liceat  ministris  ex  sua  pecunia  fructum  aliquem  stipulari  et  percipere.  Si  praecise  non  licere  dixero,  durior  quam  par  sit  iudicari  poterit  mea  responsio,  et  adversus  quam  non  desint  quae  etiam  referantur.  Quare  illud  non  licere,  ipse  quidem  affirmare  non  ausim.  Iam  vero  ubi  expendo  quam  hoc  obnoxium  sit  calumniis  et  scandalis,  et  quam  plerique  latissime  extendant  quod  sub  moderata  conditione  usurpari  poterat,  ut  modum  hac  in  re  legitimum  excedere  sibi  permittant,  multo  lubentius  subsisterem,  quam  ut  pleno  responso  hoc  semel  expediendum  censerem.  Consultissimum  esset  nempe,  ab  eiusmodi  contractibus  et  redituum  captationibus  abstinere.  Neque  enim  frustra  ita  de  se  testatur  Ieremias  (15,  10):  Non  foeneravi  eis,  neque  ipsi  foenerati  sunt  mihi,  omnes  maledicunt  mihi.  Quare  quum  ab  eiusmodi  quaestu  sese  continere  potest  minister  verbi  recte  sibi  consulit:  et  tamen  quando  quaestus  ille  tolerabilior  est,  quam  si  ipse  per  se  negotiaretur,  aut  aliquam  artem  faceret  quae  ipsum  a  munere  suo  avocaret,  non  video  cur  factum  in  genere  damnationem  mereatur.  Interea  hanc  moderationem  adhiberi  velim,  ne  videlicet  certum  reditum  vel  summam  sibi  praecise  pendi  stipuletur:  sed  ut  pecuniam  ita  apud  probum  virum  collocet,  ut  in  illius  fide  ac  probitate  acquiescat:  ac  proinde  contentus  sit  aequo  et  honesto  fructu  pecuniae,  pro  ratione  benedictionis  Dei  erga  ipsum  pecuniae  exercitorem.  Quod  ad  iurisiurandi  exactionem  in  Consistorio  attinet,  agendum  est  prudenter,  ut  detractionibus  et  susurris  malorum  obviam  eatur.  Expediet  igitur  quum  opus  erit,  adiurare  qui  vocati  erunt,  atque  illos  veluti  ad  Dei  tribunal  sistere,  quando  ille  ipse  in  tali  coetu  praesidet:  abstinendum  est  vero  sedulo  ab  omni  agendi  ratione  quae  iurisdictionis  speciem  habeat,  aut  aliquid  etiam  ab  illa  non  diversum.  Ad  ultimum  vero  non  video  quid  difficultatis  subsit,  quin  admittantur  ad  Consistorium,  qui  iurisdictioni  ordinariae  et  civili  praesunt,  modo  ne  intersint  illic  nomine  et  respectu  suae  illius  iurisdictionis,  sed  ut  discrimen  observetur  semper  inter  munera  illa  duo  plane  distincta,  civile  nempe  et  ecclesiasticum.  Alioquin  nulla  ratio  sinit  excludi  illos  qui  magistratum  gerunt  ab  inspectione  et  regimine  spirituali.  Summa  est,  ut  quum  idonei  homines  ad  illud  munus  electi  erunt,  videant  ipsi  ne  cum  gladii  potestate  confundant  quod  ab  illa  sui  natura  distinctum  manere  debet  Sic  visum  est  respondere  ad  tua  postulata,  quod  et  fratres  approbarunt  quibuscum  de  istis  nominatim  contuli,  ne  ex  meo  unius  sensu  ista  prodiisse  viderentur.  Bene  vale.  10.  Ianuarii  1560.