9:262  Postquam  vero  ad  satietatem  usque  bacchatus  est  in  optimos  viros,  linguas  illis  abscindi  iubet,  Vulcanoque  eos  de  ro  vet.  Quid  si  autem  tantopere  Calvino  sit  infensus  in  Serveti  gratiam?  et  quia  mortem  socii  dolet,  nec  aliter  potest  ulcisci,  superat  omnes  carnifices  saevitia.  In  duplici  voluntate,  quam  Deo  post  Augustinum  et  alios  pios  doctores  tribuit  Calvinus,  bonus  censor  dicit  se  battologiam1)  mirari.  Quis  non  putet  doctum  esse  hominem,  quando  battologias  crepare  potest?  Atqui  tam  putida  affectatio  satis  ostendit,  non  alio  quam  venandae  gloriolae  studio  sic  eum  balbutire.  Addit  postea  distinctionem  hanc  a  nobis  fuisse  excogitatam,  quia  alias  aperte  in  Deum  blasphemare  deprehensi  essemus.  Ipsius  vero  aperte  vel  in  uno  hoc  verbo  deprehenditur  phrenetica  amentia,  qui  se  iam  toties  [pag.  17]  apertas  blasphemias  hominibus  innoxiis  exprobrasse  non  meminit.  Ambiguane  blasphemia  fuit,  Deum  facere  peccati  autorem,  peccatum  velle,  ad  peccandum  impellere,  quasi  naturae  suae  renunciaret,  seque  pasceret  atque  oblectaret  sceleribus  ?  Haec  postquam  proterve  evomuit,  nunc  quasi  sui  oblitus,  dicit  nos  tegere  aliquo  colore  blasphemias,  ne  pateant.  Videndum  tamen  quid  ad  refutationem  afferat.  Causatur  hoc  modo  tribui  Deo  inconstantiam,  quod  aliud  dicat,  aliud  cogitet,  contra  scripturae  testimonia:  Ego  sum  Deus,  et  non  mutor  (Mal.  3,  6).  Item:  Apud  Deum  non  est  transmutatio  (Iac.  1,  17).  Atqui  non  cogitat  ipse  non  Calvinum  modo  et  similes  impeti  hac  calumnia,  sed  Mosem  ipsum:  qui  legem  promulgari  dicens  Iudaeis  et  eorum  filiis,  Deo  relinquit  abscondita  consilia.  Quanquam  non  difficile  erit  eam  diluere:  quia  Deus  praecipiens  quod  rectum  est,  vere  quid  sibi  placeat  testatur:  nec  vero  [pag.  18]  aliud  consilium  occultat,  quo  iniquitatem,  quam  apud  homines  damnat,  apud  se  vel  amet,  vel  absolvere  velit:  sed  mirabiliter  iudicia  sua  exercet,  ut  pro  sua  inaestimabili  sapientia  et  aequitate  in  bonum  finem  dirigat  atque  ordinet  quae  mala  sunt.  Neque  enim  malum  per  se,  hoc  es  fc,  quatenus  malum  est,  Deum  velle  Calvinus  concedet:  sed  in  hominum  sceleribus  refulgere  Dei  iudicia,  sicut  per  incestos  concubitus  Absalon  Davidis  adulterium  punivit.  Deus  ergo  Adae  praecipiens  ne  gustaret  de  arbore  scientiae  boni  et  mali,  obedientiam  quam  probahat  exegit.  Interea  quid  futurum  esset  non  modo  praescivit,  sed  etiam  decrevit.  Quod  si  asperum  videtur  delicatulo  censori,  non  sapori  doctrinae,  sed  morositati  suae  vel  fastidio  imputet.  Quod  enim  verborum  suorum  pondere  tanquam  ferreo  malleo  infigere  vult  omnium  cordibus,  unicam  esse  Dei  voluntatem  quam  nobis  per  prophetas  et  Christum  [pag.  19]  patefecit,  sua  autoritate  Augusti-  1)  battologie  ou  redite  vicieuse.  17*