7:262  rogando,  ut  pro  more  episcopos  omnes  advocaret,  Ergo  quod  tunc  precibus  fieri  orabat  Leo,  Frenesius  hodie  factum  esse  tam  graviter  accusat,  ut  speciem  propemodum  faciat  apostasiae.  Patrocinium  ergo  fictitiae  suae  potestatis  aliunde  quaerat,  quam  a  Deo  et  hominibus.  7)  Quum  tale  quiddam  aliquando  captaret  in  concilio  carthaginensi,  fortiter,  ut  par  erat,  Africani  episcopi  tam  improbae  ambitioni  restiterunt,  [pag.  50]  Quum  obtenderet  praerogativam  in  alias  ecclesias,  nicenae  synodi  decreto,  sibi  permissam  esse,  non  habuerunt  fidem:  sed  Constantinopolim,  et  in  alias  urbes  graecas  miserunt,  ut  veritatem  investigarent.  Compertum  tandem  fuit,  acta  concilii  a  sanctissimo  patre  corrupta  fuisse,  ut  illis  ad  erigendam  suam  tyrannidem  abuteretur.  Saltem  quae  proferebantur  ex  eius  archivis  exemplaria,  cum  veris  et  certis  non  congruebant.  Ita  repudiatum  fuit  eius  postulatum,  non  absque  manifesto  falsitatis  probro.  Atqui  iura  divina  et  humaua  hic  quoque  sibi  suffragari  clamat.  Quis  unquam  Deus,  obsecro,  papam  constituit  causarum  omnium  ad  ecclesiam  vel  fidem  pertinentium  cognitorem,  arbitrum  et  iudicem?  Quas  etiam  hominum  leges,  aut  quae  placita  de  hac  re  ostendet?  Dicit  quidem  Ambrosius,  fidei  causas  debere  in  templo  coram  plebe  tractari:  et  tunc  de  summo  fidei  nostrae  capite  agebatur.  Non  dicit,  coram  papae  tribunali.  Dicit,  fateor,  iudicandas  esse  %  sacerdotibus:  sed  nequaquam  uni  papae  defert  iudicium.  Alioqui  graviter  peccasset  quum  ad  cognoscendam  maximam  causam,  aquileiensi  concilio  non  interfuit  modo,  sed  etiam  praesedit.  Invehatur  Frenesius  in  Ambrosium,  quod  [pag.  5  i]  concilium  quum  vocandum  ab  imperatore  procurasset,  habere  ausus  est,  et  quidem  absente  romano  episcopo,  illicque1)  de  Christi  divinitate,  quid  sentiendum  foret,  statuere.  Ubi  tunc  erant  humana  iura,  quibus  gloriatur  Frenesius,  quum  in  Italia  synodus  universalis  de  summa  religionis  tractaret,  vocato  quidem  romano  episcopo,  sed  nemine  eius  loco  comparente?  Quid  quum  a  Melchiade  romano  etiam  episcopo  devoluta  est  causa  maximi  momenti  ad  episcopum  arelatensem?  Litigabat  Donatus  a  Casis  nigris  cum  Caeciliano.  Non  erat  civile  negotium,  sed  causa  ecclesiastica,  et  quae  non  leve  caput  christianae  doctrinae  continebat,  nempe  de  ecclesiae  unitate  et  communione  sanctorum.  Constantinus  Magnus  Melchiadem  primo  iudicem  1)  illicque  om.  princeps.  17*