52:262  18.  Hoc  praeceptum.  Quidquid  de  persona  sua  interposuit,  fuit  quasi  digressio  ab  instituto.  Nam  quum  Timotheum  instruere  autoritate  vellet,  summa  ipsum  praeditum  esse  oportuit.  Mature  itaque  opinionem  refutavit,  quae  sibi  obstare  poterat.  Nunc  autem  postquam  probavit,  nihilo  minoris  apud  pios  aestimandum  esse  suum  apostolatum,  quia  aliquando  Christi  regnum  oppugnasset,  quasi  sublato  obstaculo  ad  exhortationis  suae  contextum  redit.  Ergo  praeceptum  est  cuius  initio  meminit.  F  i  l  i  um  vocando,  non  suam  modo  benevolentiam  apud  eum  testatur,  sed  aliis  etiam  commendat  ipsum  hoc  nomine.  Porro  ut  magis  eum  animet,  reducit  in  memoriam  quale  a  spiritu  Dei  testimonium  habuerit.  Nam  erat  hic  non  parvus  stimulus,  quod  divinitus  ministerium  eius  fuerat  approbatum:  et  quod  prius  Dei  oraculis  vocatus  fuerat,  quam  electus  hominum  suffragiis.  Turpe  est  non  respondere  hominum  exspectationi  :  quanto  itaque  turpius  erit  irritum,  quoad  in  te  sit,  facere  Dei  iudicium?  Sed  primum  sciendum  est  de  quibus  loquatur  p  r  o  p  h  e  t  i  i  s  .  Putant  aliqui  revelatione  admonitum  fuisse  Paulum,  ut  Timotheo  munus  iniungeret.  Quod  verum  esse  fateor:  sed  addo  revelationes  ab  aliis  proditas.  Neque  enim  Paulus  numero  plurali  frustra  usus  est.  Proinde  ex  eius  verbis  colligimus,  plures  fuisse  editas  prophetias  de  Timotheo,  quae  ipsum  ecclesiae  commendarent.  Nam  quum  iuvenis  adhuc  esset,  poterat  contemptui  esse  illius  aetas:  expositus  etiam  calumniis  fuisset  Paulus  quod  adulescentulos  ante  tempus  promoveret  ad  senile  officium.  Praeterea  Deus  illum  ad  res  magnas  et  arduas  destinaverat.  Non  enim  fuit  unus  ex  vulgo,  sed  apostolis  proximus,  qui  Paulo  absente  saepe  eius  personam  sustinebat.  Quare  opus  habuit  singulari  testimonio,  unde  pateret  non  hominum  temeritate  tantum  illi  deferri,  sed  electum  ab  ipso  Deo  esse.  Neque  enim  tunc  ordinarium  fuit  aut  multis  commune,  ornari  prophetarum  encomiis:  sed  quia  in  Timotheo  peculiares  erant  causae,  noluit  eum  Deus  ab  hominibus  admitti,  nisi  sua  voce  iam  probatum:  noluit  eum  ad  obeundam  functionem  accedere,  nisi  propheticis  oraculis  accitum.  Sicuti  etiam  Paulo  et  Barnabae  contigit,  dum  gentibus  ordinati  sunt  doctores.  Erat  enim  res  nova  et  insolens,  nec  alioqui  potuissent  famam  temeritatis  effugere.  Obiiciet  nunc  quispiam  :  si  Deus  per  suos  prophetas  ante  pronuntiaverat  qualis  futurus  esset  minister  Timotheus,  quorsum  attinebat  eum  moneri  ut  se  talem  praestaret?  An  potuit  Dei  oraculis  fidem  abrogare?  Respondeo,  non  aliter  potuisse  evenire  quam  Deus  promiserat:  sed  interim  non  debuit  Timotheus  desidiae  se  ac  torpori  dare,  sed  vivum  agileque  organum  Dei  providentiae  obsequendo  se  exhibere.  Quare  Paulus  non  abs  re,  dum  calcar  illi  addere  vult,  prophetias  commemorat,  quibus  se  pro  illo  Deus  quasi  sponsorem  ecclesiae  17*