50:262  penderemus,  semper  in  spem  messis  intenti:  quemadmodum  nihil  laetius  faciunt  agricolae  quam  ut  serant.  Sed  quum  illi  ad  colligendam  messem  corruptibilem  aequo  animo  novem  menses  ferant:  nos  in  exspectatione  beatae  immortalitatis  deficimus.  8.  Nam  qui  seminat  carni  suae.  Distributio  partium  post  generalem  sententiam.  Seminare  carni  est  prospicere  praesentis  vitae  necessitatibus,  nullo  futurae  vitae  respectu.  Id  qui  faciunt,  fructum  colligent  satione  sua  dignum:  coacervabunt  enim  quod  male  dispereat.  Alii  seminare  in  carne  exponunt  pro  indulgere  concupiscentiis  carnis  corr  u  p  t  i  o  n  em  vero  pro  exitio.  Sed  prior  expositio  contextui  melius  quadrat.  Quod  aliter  transtuli  quam  vetus  interpres  atque  Erasmus,  non  feci  temere.  Verba  Pauli  graeca  sic  habent:  seminare  in  carnem.  Quid  autem  id  aliud  est  quam  ita  esse  carni  addictum,  ut  studia  tua  omnia  in  illius  commodum  et  curam  dirigas?  Qui  autem  seminat  spiritui.  Spiritum  accipio  pro  vita  spirituali,  cui  seminare  dicuntur  qui  coelum  magis  quam  terram  respiciunt:  atque  ita  vitam  instituunt,  ut  ad  regnum  Dei  adspirent.  Illi  igitur  spiritualium  studiorum  fructum  metent  in  coelo  incorruptibilem.  Porro  spiritualia  studia  nominat  a  fine:  utcunque  alioqui  externa  sint  et  ad  corpus  pertineant.  Quale  est  hoc  ipsum,  de  quo  nunc  tractat,  alere  pastores.  Si  papistae  more  suo  conentur  ex  his  verbis  operum  iustitiam  adstruere,  diximus  alibi  quam  facile  sit  refellere  eorum  ineptias.  Neque  enim,  si  vita  aeterna  merces  est,  inde  sequitur,  vel  operibus  nos  iustificari,  vel  opera  salutis  meritoria  esse.  Quandoquidem  et  hoc  ipsum  gratuitum  est,  quod  Deus  tanto  honore  quae  nobis  gratis  donavit  opera  dignatur,  ut  illis  indebitam  mercedem  promittat.  Si  quis  pleniorem  solutionem  requirit,  primum  nego  ulla  esse  nobis  bona  opera,  quae  Deus  remuneretur,  nisi  quae  habemus  ab  eius  gratia.  Secundo  dico,  bona  opera  quae  ductu  ac  directione  spiritus  sancti  facimus,  esse  fructus  gratuitae  adoptionis:  tertio  dico,  non  modo  vel  minima  et  vilissima  mercede  indigna  esse,  sed  prorsus  digna  esse  quae  damnentur:  quia  semper  multis  maculis  sunt  respersa  et  inquinata.  Quid  autem  pollutionibus  cum  Dei  conspectu?  Quarto  dico,  etiamsi  millies  operibus  promissa  esset  merces,  nullam  tamen  ex  pacto  deberi,  nisi  tota  lege  perfecta.  Ab  ea  vero  perfectione  quam  procul  absumus  omnes  !  Eant  nunc  papistae  et  operum  meritis  perrumpere  in  coelum  tentent:  nos  autem  libenter  cum  Paulo  totaque  scriptura  fatemur,  quaecunque  aliter  consequi  non  possumus  quam  mero  Dei  dono,  tamen  mercedis  nomine,  eadem  operibus  nostris  rependi.  9.  Bonum  autem  faciendo  ne  defatigemur.  Bonum  hic  non  rectum  significat,  sed  benignitatem  :  et  ad  homines  refertur.  Monet  itaque  ne  proximos  iuvando  17*