15:262  2026.  TOSSANUS  CALVINO.  Epistola  apologetico,,  quam  scripsit  ut  quibusdam  rumoribus  occurreret  quasi  Mombelgardenses  Serveti  essent  discipuli.  E  contrario  fuerunt  quidam  qui  Calvini  nomen  prae  se  ferentes  administrationem  sacramentorum  mutare  conarentur.  (Ex  autographo  Cod.  Genev.  110,  fol.  160.)  Vigilantissimo  ecclesiae  Genevensis  pastori  D.  Ioanni  Calvino  domino  suo  et  fratri  observando.  Genevae.  S.  Non  puto  necessarium  esse,  colendissime  Calvine,  ut  multis  excusem,  quod  medius,  puto,  annus  sit  ex  quo  nihil  ad  te  literarum  dederim,  quum  id  antea  saepe  sit  a  me  factum,  nec  soleam  propter  tuas  occupationes  multas  te  sine  necessitate  obtundere.  Quod  autem  nunc  ad  te  scribam  in  causa  est,  quod  audiam  quaedam  istic  sparsa  quae  me  nonnihil  offenderunt.  Ad  quae  solum,  quantum  ad  me  attinet,  respondeo,  me  hic,  quantumvis  alioqui  miserum  et  abiectum  peccatorem,  gratia  et  benignitate  Dei  ab  annis  plus  quam  viginti  sic  meo  functum  munere  ut  nullam  impiam  doctrinam  vel  docuerim  vel  defenderim.  Est  quidem  facile,  hoc  praesertim  tempore  in  tanta  hominum  licentia  et  perversitate,  quidvis  comminisci  in  proximos  et  spargere  nos  esse  Serveti  discipulos,*)  reiicere  disciplinam  ecclesiasticam,  contemnere  literas  et  alia  id  genus:  sed  quae  satis  (gratia  Christo)  et  nostra  doctrina  et  labores,  et  pii  non  pauci,  et  angeli  coelorum  et  Deus  ipse  testabuntur  in  die  Christi  a  veritate  esse  aliena,  ut  huiusmodi  calumnias  magnopere  curare  non  debeamus.  Et  quamquam  ego  natura  ad  lenitatem  propendeam  et  maluissem,  ut  vere  dicam,  non  solum  propter  conscientiam,  sed  etiam  propter  adversarios,  Servetum  ad  resipiscentiam  diutius  servatum,  nullus  tamen  est,  non  dico  peregrinus,  sed  nec  frater  quidem  symmysta  mihi  tam  ex  animo  carus,  qui  vere  possit  dicere  me  eam  ob  rem  aut  aliam  quamcunque  tibi  unquam  aut  ulli  ex  tuis  esse  obloquutum.  Sed  scis  difficile  esse  omnium  ora  obstruere:  tamen  si  quos  hic  scivi  hoc  nomine  offensos,  placavi  et  compescui  quantum  potui.  Nec  fuerat  hic  inter  nos  (ut  sparsum  quoque  esse  audio)  ob  Servetum  aut  eius  doctrinam  ortum  dissidium,  sed  solum  quod  3)  sic.  4)  Mense  Novembri  1546  a  principibus  protestantibus  ad  Franciscum  Regem  missum.  (Schmidt  Stiirm.  p.  68.  i  2026.1)  Tales  revera  in  illis  terris  fuisse  patet  ex  Defensione  Petri  Alexandri  ad  Principem  Georgium  d.  d.  Cal.  Mart  1555.  Inter  quos  notatur  aliquis  lac.  Getheus.  Sed  magis  Bellii  quam  ipsius  Serveti  asseclae  dicendi  sunt,  si  quid  vi*  demus.  17*