10.1:262  Petimus  etiam  a  vobis  ne  hoc  audire  molestum  sit,  ut  quae  inter  vos  sunt  ecclesiae,  quorum  pastores  oneribus  familiarum  numerosiorum  premuntur,  illis  curetis  prospectum,  et  illorum  necessitati.  Non  potest  enim  qui  inopia  premitur  libero  esse  animo  et  quieto,  ut  sese  totum  muneri  suo  impendat,  dum  familia  egens  est,  neque  habet  quo  subveniat  ad  manum.  Atque  omnino  quum  audimus  ex  Dei  verbo,  illos  esse  nobis  alendos  qui  ecclesiae  inserviunt,  non  est  hoc  mere  restringendum  ad  ipsorum  personas.  Nam  et  ipsi  essent  inhumani,  nisi  aeque  de  suis  ac  de  se  ipsis  essent  solliciti.  Praestamus  hic  quod  possumus:  sed  ea  est  inopia,  cui  plane  sublevandae  impares  sumus.  Sed  quia  non  dubitamus,  quin  satis  per  vos  officium  sitis  facturi,  ut  non  accedat  nostrae  exhortationis  stimulus,  satis  erit  verbo  hoc  apud  vos  indicasse.  Atque  ut  tandem  absolvamus,  quia  non  dubitamus  vos  impeti  quotidie  ab  hostibus  fidei,  petimus  a  vobis  ut  certetis  constanter,  neque  remittatis  quidquam,  donec  omnes  impetus  Satanae  superaveritis,  atque  ad  beatam  metam  ex  intento  cursu  perveneritis.  Agnoscite  vero  quae  nobis  coelitus  arma  suppeditentur:  nempe  ut  ad  eum  unum  nos  recipiamus,  qui  nos  ea  gratia  dignatur,  ut  in  suum  praesidium  recipiat,  atque  ita  in  patientia  possideamus  animas  nostras.  Vi  enim  per  vincere  nobis  fas  non  est:  et  probe  nostis  quam  male  succedat,  quidquid  temere  aggredimur  sine  heri  mandato.  Dura  omnino  tentatio  et  superatu  difficilis,  dum  impios  ita  videmus  saevire  adversus  innocentes:  sed  intuendum  est  ad  quid  vocati  simus.  Et  quando  ita  fert  voluntas  Domini  ut  affligamur,  idque  pro  causa  tanti  momenti,  ne  alienum  a  nobis  videatur.  Enitamur  potius  discere  ea  ratione  quam  isti  caducae  vitae  praeferenda  sit  Dei  gloria  et  quam  illi  debemus  obedientia,  ipsumque  Christi  regnum,  et  spes  illa  vitae  aeternae.  Hic  igitur  ut  et  in  genere  illud  quod  scriptura  docet  in  usu  habete,  ut  vobis  renunciando  sacrificium  sitis  boni  odoris  Domino.  Precamur  Dominum,  vobis  primum  impendio  a  nobis  salutatis,  ut  vos  respiciat  atque  asserat  ab  omnibus  adversariis,  suo  praesidio  tueatur,  regat  spiritu,  atque  omni  bono  cumulatos  reddat.  AD  TRIA  QUAEDAM  CAPITA.A)  Diligentior  fuissem  in  respondendo,  dilectissime  frater,  nisi  me  retinuisset  illa  difficultas,  quae  cum  eo  mihi  coniuncta  visa  est  quod  tuis  literis  a  mo  1)  JSpp.  et  Resp.  ed.  Genev.  p.  346,  Laus.  p.  474,  Hanov.  p.  531,  Chouet  p.  475,  Amst  p.  217.  Archetypum  galhcum  non  exstat  17*