52:261  261  CAPUT  I.  262  Deo  omnes  hypocritarum  pompae,  dum  contumaciter  Christo  resistunt.  16.  Ut  in  me  primo  ostenderet  Iesus.  Quum  dicit,  primo,  alludit  ad  id  quod  nuper  dixerat,  se  primum  esse  inter  peccatores.  Ideo  tantundem  valet  ac  praecipue  vel  in  primis.  Significat  autem,  statim  ab  initio  Deum  proposuisse  tale  exemplar,  quod  tanquam  ex  illustri  excelsoque  theatro  conspici  posset,  ne  quis  diffideret  paratam  sibi  fore  veniam,  modo  fide  accederet  ad  Christum.  Et  certe  praevenitur  nostra  omnium  diffidentia,  dum  eius,  quam  quaerimus,  gratiae  typum  in  Paulo  sic  videmus  expressum.  17.  Regi  autem  saeculorum.  Prae  ardore  erumpit  in  istam  exclamationem:  quia  deerant  verba  quibus  suam  gratitudinem  exprimeret.  Nam  epiphonemata  praecipue  locum  habent  ubi  abrumpere  orationem  cogimur,  quia  rei  magnitudo  superat.  Quid  autem  Pauli  conversione  admirabilius?  Quamquam  nos  simul  omnes  admonet  suo  exemplo,  nunquam  de  gratia  divinae  vocationis  esse  cogitandum,  quin  tandem  efferamur  admiratione.  Adde  quod  hoc  tam  magnificum  encomium  totius  superioris  vitae  memoriam  absorbet.  Qualis  enim  abyssus  est  Dei  gloria?  Epitheta,  quae  hic  tribuit  Deo,  tametsi  perpetua  sunt,  tamen  proprie  conveniunt  loci  circumstantiae.  Vocat  regem  aeternum  vel  saeculorum,  in  quem  nulla  cadit  mutatio:  invisibilem,  quia  lucem  habitat  inaccessam,  ut  postea  dicet:  solum  sapientem,  quia  infatuat  ac  vanitatis  damnat  omnem  hominum  sapientiam.  Summa  vero  redit  ad  eam  clausulam,  qua  utitur  ad  Romanos  l  l  ,  33,  O  profunditatem  divitiarum,  ete.  Quam  abscondita  sunt  Dei  consilia?  Quam  inscrutabiles  viae  eius?  Vult  enim  immensam  ac  incomprehensibilem  Dei  sapientiam  ita  reverenter  a  nobis  suspici,  -ut,  si  opera  eius  sensus  nostros  superant,  admiratio  tamen  nos  contineat.  Dubium  tamen  est,  quum  in  postremo  epitheto  dicit  soli,  velitne  Deo  gloriam  omnem  soli  vendicare,  an  vocet  ipsum  solum  sapientem,  an  vero  solum  Deum  esse  dicat.  Secundus  sensus  magis  mihi  probatur.  Praesentis  enim  causae  maxime  interfuit,  arcano  Dei  consilio  subiici  quamvis  hominum  intelligentiam.  Neque  tamen  infitior  quin  Deum  unum  omni  gloria  dignum  esse  praedicet  Sic  enim  gloriae  suae  scintillas  huc  illuc  in  creaturas  spargit,  ut  tota  penes  eam  et  in  solidum  maneat  Sed  utrumque  exprimit,  nihil  gloriae  esse  extra  Deum.  18.  Hoc  praeceptum  commendo  tibi,  fili  Timothee^  secundum  praecedentes  super  te  prophetias,  ut  milites  in  illis  honam  militiam,  19.  habens  iidem  et  Ionam  conscientiam:  a  qua  aversi  quidam  circa  fidem  naufragium  fecerunt:  20.  ex  quibus  sunt  Hymenaeus  et  Alexander,  quos  tradidi  Satanae,  ut  discant  non  maledicere.