51:261  261  SUR  L'EPITRE  AUX  EPHESIENS.  262  humilite:  et  ceste  humilite-la  emporte  que  nous  ne  venions  point  avec  nostre  balance  pour  peser  les  iugemens  de  Dieu,  que  nous  n'en  vueillions  point  estre  iuges  ni  arbitres:  mais  que  nous  soyons  sobres,  voyant  la  petitesse  de  nostre  Esprit,  voyant  que  nous  sommes  grossiers  et  Iours,  que  nous  magnifions  Dieu,  et  que  nous  disions  (comme  nous  sommes  ensegnez  par  l'Escriture  saincte),  Seigneur,  c'est  un  abysme  trop  profond  que  ton  conseil,  nul  ne  le  peut  raconter.  Voila  donc  quant  a  ce  qu'aucuns  trouvent  ceste  doctrine  dure  et  fascheuse,  d'autant  qu'ils  sont  trop  attachez  a  leur  opinion  et  ne  peuvent  s'humilier  sous  la  sagesse  de  Dieu  pour  recevoir  en  toute  sobriete  et  modestie  ce  qu'il  prononce.  Et  de  faict,  nous  devrions  bien  prattiquer  ce  que  dit  S.  Paul,  que  l'homme  sensuel  ne  comprend  point  les  secrets  de  Dieu,  mesmes  que  ce  luy  est  toute  folie.  Et  pourquoy?  Nous  ne  sommes  point  de  son  conseil:  mais  il  faut  qu'il  nous  revele  par  son  S.  Esprit  ce  qui  nous  seroit  autrement  incognu:  et  que  nous  en  ayons  telle  mesure  qu'il  nous  donne.  S.  Paul  parle  la  de  ce  que  nous  cognoissons  par  experience,  c'est  a  scavoir  que  nous  sommes  enfans  de  Dieu,  et  qu'il  nous  gouverne  par  son  S.  Esprit,  qu'il  nous  console  en  nos  miseres,  qu'il  nous  fortifie  en  patience.  Nous  ne  comprendrions  point  tout  cela,  si  nous  n'estions  illuminez  par  son  S.  Esprit.  Comment  donc  conprendrons-nous  une  chose  qui  est  beaucoup  plus  haute,  c'est  a  scavoir,  que  Dieu  devant  la  creation  du  monde  nous  a  eleus?  Puis  qu'ainsi  est,  apprenons  d'aneantir  tout  ce  que  nous  concevons  en  nostre  cerveau,  et  que  cela  soit  mis  bas,  et  que  nous  soyons  prests  de  recevoir  ce  que  Dieu  nous  dit,  estans  vuides  de  nostre  iugement,  et  cognoissans  que  nous  ne  pouvons  rien  apporter  de  nostre  coste  sinon  toute  bestise.  Voila  en  somme  ce  que  nous  avons  a  retenir.  Et  de  faict,  nous  voyons  comme  S.  Paul  nous  exhorte  a  venir  la:  Homme  (dit-il),  qui  es-tu  qui  repliques  a  l'encontre  de  ton  Dieu?  Apres  avoir  mis  en  avant  plusieurs  repliques  que  nous  avons  accoustume  de  faire,  il  dit,  Homme.  En  ce  mot  il  nous  veut  faire  sentir  nostre  fragilite  :  car  nous  ne  sommes  que  vers  de  terre  et  pourriture.  D'aller  donc  ouvrir  la  bouche  pour  repliquer  contre  Dieu,  quelle  audace?  n'est-ce  point  pervertir  tout  ordre  de  nature?  Seroit-il  en  nous  d'arracher  le  soleil  du  ciel  ou  de  prendre  la  lune  aux  dents,  comme  on  dit?  Or  tant  moins  nous  est-il  licite  de  plaider  contre  Dieu  et  d'amener  des  repliques  pour  contreroler  ses  iugemens  qui  nous  sont  incomprehensibles.  Il  y  en  a  qui  confesseront  ceste  doctrine  que  traite  ici  S.  Paul  touchant  la  predestination,  estre  vraye:  car  ils  n'osent  pas  dementir  le  S.  Esprit:  mais  ils  voudroyent  qu'on  n'en  parlast  nullement,  en  sorte  qu'elle  fust  ensevelie.