5:261  DE  FUGIENDIS  IMPIORUM  SACRIS.  lum  eius  vestigium  appareat,  transferes?  Tu  denique  sub  diabolicae  missae  imagine  Domini  mensam  repraesentabis?  Tu  in  quo  Domini  mortem  ignominiose  traducas,  in  eo  te  eius  coenam  colere  persuadebis,  qua  nos  ad  praedicandam  mortem  suam  nominatim  exhortatur?  Quid  tecum  tacite  demurmures,  a  nemine  exauditur.  At  quum  totius  corporis  actione  sacrificium  esse,  quod  peragis,  diserte  pronuncies,  idne  est  mortem  Domini  adnunciare?  quam,  si  sacrificiis  locum  post  se  reliquit,  vanam  fuisse  consequitur.  Et  cur  non  semel  cavillis  eorum  omnibus,  quod  facile  est,  viam  praecludo?  Populum  enim,  quem  fabulae  suae  spectatorem  admittunt,  ad  sacrificii  celebritatem  convenisse  sciunt.  Huic  quod  exspectat  sacrificium  praestent  re  vera,  necne,  ad  rem  nihil  pertinet:  certe  quod  eius  opinione  sacrificium  haberi  velint,  exhibent.  Ad  flagitiosam  idoli  adorationem  paratum  vident.  Adorandum,  propriis  manibus,  ipsi  excelso  in  loco  statuunt,  quasi  easdem  simul  manus  et  ad  Deum  viventem  extendere,  et  ad  prostituendum  idololatrae  populo,  quocum  fornicetur,  idolum  attollere  possint.  Non  hic  dico,  quod  si  dixerim,  an  refellere  ipsi  sat  probe  queant,  nescio  :  ne  minimam  quidem  pietatis  scintillam  fovere  eos,  quibus  ad  nefandi  adeo  flagitii  gestionem  manus  suppetant,  quos  non  inter  medios  saltem  conatus  vires  omnes  ac  nervi  deficiant,  quibus  non  membra  omnia  horrore  tremant  ac  labascant.  Sed  id  solum  dicam,  cui  posthac  infitiando  non  erunt:  viam  illam,  qua  se  accedere  ad  Domini  coenam  iactabant,  ab  eius  accessu  tantum  abducere,  quam  haec  inter  se  duo  longe  differunt,  divinae  gloriae  strenuum  praestare  animosumque  praeconem,  et  perpetrandis  sacrilegiis  ducem,  praesidem,  auspicem  se  praebere.  Simul  etiam  reliquos  obtestor:  quibus  (si  quis  eos,  quod  ad  audiendas  missas  ingrediantur,  accuset)  responsare  mos  est,  missae  dum  intersunt,  sibi  quid  sacrificulus  seorsum  deblateret,  curae  non  esse:  sed  eam  symboli  tantum  loco  se  accipere,  quo  perinde  ac  si  sanctae  Domini  coenae  intersint,  mortis  eius  memoria  exerceantur.  Eos,  inquam,  obtestor,  posthac  nulla  ut  potius,  quam  hac  misera  excusatione  utantur.  Neque  (ut  spero)  utentur.  Siquidem  quum  animis  suis  recte  reputent,  quam  sit  utrumque  multis  modis  absurdum,  et  monumentum  mortis  Christi  facere  missam,  quae  nullam,  nisi  omni  oblivione  peiorem  eius  recordationem  hominum  [pag.  27]  animis  afferat  (utpote  quae  vim  eius  universam  obliteret  ac  sepeliat,  cum  summa  praeterea  Christi  ipsius  contumelia  coniuncta  sit)  et  eandem  dicere  sibi  propemodum  coenae  esse  loco,  in  qua  tantum  ab  adnuncianda  Domini  morte  absunt,  ipsam  ut  propemodum  abiurent.  Nam  primum  quantum  ad  missam  attinet,  quoquo  vertant  oculos,  quid  spectare  possunt,  quod  sibi  aeternae  illius  sanctificationis,  iustitiae,  redemptionis  per  unicum  Christi  sacrificium