15:261  261  1554  OCTOB.  262  causis  a  te  praetermissum  esse  optarim.  Nam  quantus  ille  vir  fuerit,  per  quem  primum  Deus  orbi  christiano  puram  religionis  doctrinam  restituere  voluerit,  nemini  est  obscurum.  Et  licet  in  uno  illo  articulo  TTJc  ��v%aQiaTCac  hactenus  dissenseritis,  tamen  in  reliquis  omnibus  inter  vos  consensum  maximum  fuisse  mihi  persuasi.  Eaque  de  causa  miratus  sum,  te  talia  commentariis  tuis  inseruisse  eosque  ill.  Principibus  meis  quorum  et  totius  nostrae  ecclesiae  de  Lutheri  scriptis  non  est  obscurum  iudicium,  dedicandos  censuisse:  unde  facile  coniicere  poteris,  qualem  gratiam  hac  tua  dedicatione  inieris.  Ego  profecto  consultius  esse  putarem  talibus  sugillationibus  non  exacerbare  animos,  aut  refricare  vulnera  quae  nonnihil  cicatricem  obduxisse  viderentur.  Imo  in  hoc  potius  vobis,  et  tibi  praesertim,  cuius  excellens  eruditio,  pietas,  modestia  et  alia  praeclara  dona  multis  constant,  laborandum  existimaverim,  ut  aliquando  vera  et  sincera  concordia  inter  illos  qui  renovatam  evangelii  doctrinam  amplexi  sunt  ac  docent,  coalescat,  ut  ita  communibus  viribus  iis  qui  veritatem  oppugnant  et  iterum  obscuratam  aut  oppressam  cupiunt  obviam  ire  possitis.  Ad  quam  reoi  utinam  plerique  ecclesiarum  et  rerumpublicarum  gubernatores  tam  essent  propensi,  quam  videntur  in  contrarium  laborare:  non  dubito  quin  quietiorem  statum  ecclesiae  et  reipublicae  habituri  essemus.  Verum  haec  omitto,  et  oro  Deum  ut  aliquando  ecclesiam  suam  respiciat,  et  veram  concordiam  concedat.  Teque,  doctissime  D.  Calvine,  rogo  ut  hoc  meum  responsum  in  optimam  partem  accipias,  et  me  amanter  excusatum  habeas  quod  opera  dedicationis  tuorum  Commentariorum  non  eam  gratiam  retuleris  (consequutus  sis)  3)  quam  fortassis  exspectaveris  et  merebaris.  Nihil  autem  dubito,  quin  si  Dominus  aliquando  nostra  vota  ac  preces  respiciet,  et  sanam  concordiam  largietur,  tuus  quoque  labor  apud  nostros  dignam  gratitudinem  et  praemium  consequuturi  sit.  Interim  me  tibi  amanter  commendatum  esse  cupio.  Cui  vicissim  mea  officia  perpetuo  constabunt.  Bene  ac  feliciter  vale,  et  ut  virum  optimum  ac  doctissimum  Ioannem  Sturmium,  meum  aliquando  in  honestissima  legatione  collegam,4)  meo  nomine  amanter  salutes  etiam  atque  etiam  rogo.  Iterum  vale.  Datae  in  praedio  meo  superioris  Vinariae  die  7  mensis  Octobris.  Anno  Domini  1554.  Tuus  ex  animo  Franciscus  Burg.