9:260  ledictiones:  quia,  nisi  Deo  maleficia  displicerent,  sicut  contraria  sunt  eius  naturae,  poenas  neque  denunciaret  neque  exigeret.  Itaque  supervacuum  est  quidquid  coacervat  nebulo,  ut  eum  ab  ignominia  liberet,  qua  ipsum  suggillat,  anxie  quasi  in  causa  dubia  laborans,  ut  Deum  ostendat  bonum  esse.  Postquam  aliquamdiu  suas  calumnias  blateravit,  propius  congreditur,  quosdam  his  periculosis  temporibus,  quamvis  non  audeant  aperte  docere  malorum  causam  esse  Deum,  idem  innuere  aliis  loquendi  formis,  quod  Adam  Deo  volente  peccaverit,  et  impii  non  solum  Dei  permissu,  sed  etiam  impulsu  maleficia  omnia  perpetrent.  Hic  cum  deploratione  excipit  bonus  rhetor:  O  miser  homo!  qui  fieri  potuit  Deum  hoc  voluisse,  qui  [pag.  li]  ad  imaginem  suam  Adam  creaverat?  Quasi  vero  meum  sit  de  absconditis  Dei  iudiciis  exactam  rationem  reddere  ut  ad  unguem  teneant  mortales  coelestem  illam  sapientiam,  cuius  altitudinem  suspicere  iubentur.  Quin  potius  stultam  hanc  garrulitatem  praeciso  responso  abrumpat  Moses,  quum  dicit:  Abscondita  sua  sint  Deo  nostro:  haec  autem  quae  trado,  vobis  revelata  sunt  (Deut.  29,  29).  Videmus  ut  Moses  populum  legis  doctrina  contentum  esse  iubens,  interim  admoneat  sua  Deo  manere  consilia,  quae  adorare,  non  exquirere  l)  oporteat.  .  Iam  quia  videt  suam  aciem  in  hac  parte  retundi  vel  hebescere,2)  stylum  rursus  in  eos  acuit,  qui  Deo  non  solum  volente,  sed  etiam  impellente  scelera  perpetrari  dicunt.  Hic  vero  quasi  in  amplissimo  campo  exsultat,  nihil  prorsus  maledicentiae  omittens  ad  gravandos  pios  doctores,  quorum  utinam  virtutes  vel  centesima  ex  parte  imitaretur,  [pag.  12]  Ac  primum  eos  miscet  Libertinis,  quibuscum  si  disceptatio  ei  foret,  optimam  causam  perderet  pro  sua  inscitia.  Iam  quum  exstet  Calvini  liber  contra  Libertinos,  non  minus  fortiter  quam  dextre  Dei  iustitiam  asserens:  cuius  frontis  est  utili  sanctoque  labori  tam  indignam  mercedem  referre?  Contendit  Deum,  si  homines  ad  peccandum  impellat,  diabolo  fore  peiorem.  Ut  hoc  concedam,  quid  ad  Christi  servos,  quibus  furiosum  bellum  indicit?  Videndum  tamen  quibus  rationibus  nitatur.  Faciat,  inquit,  et  tentet  Satan  quidquid  potuerit,  hominis  voluntatem  cogere  non  potest:  Deus,  qui  cor  hominis  in  manu  sua  habet,  voluntatem  potest  cogere.  Ergo  si  ad  malum  cogere  velit,  illud  faciat,  velis  nolis.  Hic  vero  quam  audax  sit  imperitia,  apparet.  Inter  omnes  sanae  mentis  optime  convenit,  peccatum  nullum  esse  nisi  voluntarium.  Invitos  qui  peccare  dicat,  non  reperietur.  Sic  autem  ex  verbo  Dei  Calvinus  [pag.  13]  docet,  Augustinum  piosque  alios  scriptores  sequutus,  quum  sponte  homines  peccent,  Deum  tamen  effica-  1)  non  pas  esplucher  ne  contreroler.  2)  ou  qu'elle  rebousche.