8:260  Et  tamen  ita  supercilium  suo  more  attollit  impostor,  ac  si  reconditum  nescio  quid,  et  nunquam  ante  auditum,  ex  tripode  Apollinis  proferret:  quum  tamen  trita  sit  pueris  cantilena.  Quia  tamen  adhuc  se  impeditum  teneri  sentiebat,  duplicem  Dei  praescientiam  ingerit1)  [pag.  15]:  Quod  Deus  scilicet  prius  creandi  ad  vitam  hominis  consilium  ceperit,  quam  eius  lapsum  praesciret,  ideoque  salutis  humanae  cogitatio  mortis  praescientiam  ordine  in  ipso  Deo  praecesserit.  Et  quum  haec  lutulento  verborum  torrente  involvit,  putat  se  ita  obruere  lectorum  sensus,  ut  nihil  discernant:  sed  ego  mea  brevitate,  ut  spero,  paulo  post  discutiam  loquacitatis  eius  tenebras.  Georgii  commentum  est,  non  fuisse  hunc  vel  illum  praedestinatum  ad  salutem:  sed  Deum  statuisse  tempus,  quo  totum  mundum  servaret.  Atque  huc  quosdam  Pauli  locos  detorquet:  mysterium  quod  a  saeculis  et  generationibus  absconditum  fuerat,  Christi  adventu  et  praedicatione  evangelii  patefactum  esse  (Rom.  16,  25;  Ephes.  3,  9;  Coloss.  1,  26).  Ita  secure  elabitur,  ac  si  nullo  scripturae  testimonio  palam  constaret  alios,  aliis  praeteritis,  a  Deo  fuisse  cooptatos  in  salutem.  Denique,  in  electione  nihil  praeter  tempus  novi  testamenti  considerat.  Quid  nos  sentiamus,  satis  locuples,  ut  nihil  praeterea  addam,  testis  est  Institutio.  In  primis  rogatos  velim  lectores,  ut  quod  illic  admoneo  memoria  repetant:  Non  esse,  ut  quibusdam  falso  videtur,  argutam  hanc  vel  spinosam  speculationem,  quae  absque  fructu  ingenia  fatiget:  sed  disputationem  solidam,  et  ad  pietatis  usum  maxime  accommodam  [pag.  16]:  nempe,  quae  et  fidem  probe  aedificet,  2)  et  nos  ad  humilitatem  erudiat,  et  in  admirationem  extollat  immensae  erga  nos  Dei  bonitatis,  et  ad  hanc  celebrandam  excitet.  Nulla  aedificandae  fidei  aptior  est  ratio,  quam  dum  audimus  electionem  illam  quam  spiritus  Dei  cordibus  nostris  obsignat,  in  aeterno  et  inflexibili  Dei  beneplacito  consistere,  ut  nullis  mundi  procellis,  nullis  Satanae  insultibus,  nulli  carnis  vacillationi  sit  obnoxia.  Tunc  enim  demum  nobis  certa  est  nostra  salus,  quum  in  Dei  pectore8)  causam  reperimus.  Sic  enim  vitam  in  Christo  manifestatam  fide  apprehendimus,  ut  eadem  fide  duce  procul  intueri  liceat,  ex  quo  fonte  vita  prodierit.  In  Christo  fundata  est  salutis  fiducia,  et  in  evangelii  promissiones  recumbit.  Sed  haec  non  parum  valida  fultura  est,  quum  nunc,  ut  in  Christum  credamus,  audimus  nobis  divinitus  esse  datum:  quia  ante  mundi  originem  tam  ad  fidem  ordinati,  quam  ad  vitae  coelestis  haereditatem  electi  eramus.  Hinc  1)  Capite  2  eiusd,  libri.  2)  Abhinc  versio  gallica  latinum  textum  presse  sequitur.  3)  et  en  sa  volonte  laquelle  ne  flechit  iamais.