7:260  Nos  autem  ex  adverso  audimus  Christi  vocem:  Ubi  erit  corpus,  illuc  convolabunt  et  aquilae.  Audimus  apostolum  hortantem,  ut  consentiamus,  et  simus  concordes:  sed  in  Christo.  Audimus  piam  Hilarii  admonitionem:  Speciosum  quidem  nomen  est  pacis,  et  pulchra  opinio  unitatis:  sed  quis  ambigat  eam  solam  ecclesiae  et  evangeliorum  unitam  esse  pacem,  quae  Christi  est?  Ostendat  ergo  a  parte  sua  Christum  Frenesius,  et  unitatem  ecclesiae  penes  se  esse  probabit.  Sed  quum  adhaerere  illi  non  possimus,  nisi  Christum  abnegando,  qui  ab  eo  dissilit,  pon  facit  ab  ecclesia  discessionem,  sed  veram  ecclesiam  ab  adulterina  et  fictitia  discernit.  5)  En  ordo,  en  disciplina,  en  christianismi  perfectio  ex  Frenesii  definitione,  si  illibata  sedis  suae  [pag.  47]  tyrannis  maneat.  Valeant  alia:  nam  prae  hac  una  nihili  omnia  reputat.  Iam  ergo  Helenam  agnoscimus  pro  qua  depugnat,  simul  causam  timoris  illius  agnoscimus,  de  quo  initio  loquutus  est.  Non  enim  ruinam  solio  suo  tantum  impendere  praevidet,  sed  sedem  illam  abominationis  iam  collabi  cernit,  si  pigrescat.  Hoc  si  illi  detur,  ut  securus  pro  suo  more  in  tranquilla  possessione  suae  tyrannidis  lasciviat,  hoc  uno  contentus  erit,  et  tanquam  rite  composito  ecclesiae  statu,  sibi  et  aliis  benedicet.  Ergo  utcunque  Komae  nihilo  minor  sit  scelerum  omnium  colluvies,  quam  in  ipsis  inferis,  utcunque  passim  sanctus  ille  papalis  clerus,  laxis  habenis,  perruptis  legibus  omnibus,  abiecta  omni  honestatis  cura,  ad  quamlibet  impietatem  se  prostituat,  utcunque  totus  orbis  horrendum  in  modum  sit  corruptus,  bene  ordinata  erit  disciplina,  si  modo  nihil  contra  sedis  romanae  maiestatem  quis  audeat.  1)  Sic  scribimus  cum  Beza  et  seqq.  ipso  textu  iubente;  quod  princeps,  Gallasius  et  versio  Gallica  habent:  veritatem  manifesto  errori  debetur.