6:260  quidem  agnoscunt  ac  confitentur,  lege  tamen  intus  iudicante  sentiunt.  Fit  etiam  e  converso,  ut  pii  prorsus  exinaniti  omni  perversa  sui  fiducia,  quae  vera  demum  est  humilitas,  locum  dent  Dei  gratiae,  unde  fortitudinem  sumant.  Non  igitur  iubendo  aut  exhortando  vires  nostras  Deus  reputat,  quum  id  ipsum  det,  quod  postulat,  atque  ideo  det  quia  per  nos  destituimur.  Iam  vero,  ut  nihil  praetermittat,  quod  odium  quolibet  modo  conflare  queat  Lutheri  sententiae  ac  nostrae,  originem  trahere  a  veteribus  haereticis  commemorat,  Prisciliano,  Manichaeo,  Marcione,  Cerdone,  ipsoque  adeo  Simone  Mago:  quos  tamen  omnes  impietate  dicit  fuisse  a  Luthero  superatos.  Dicerem  ingeniosum  esse  hoc  artificium,  si  quid  coloris  haberet.  Sed  quum  in  promptu  sit  palam  facere,  nimis  crassum  et  improbum  esse  mendacium,  quid  inde  lucri  speraverit  nescio:  nisi  forte  illud  est  quod  iam  dixi,  eum  satis  habuisse,  si  suae  modo  farinae  hominibus  placeret,  qui  neque  nostra  attingunt,  neque  inquirunt,  verumne  sit  an  falsum  quod  dicitur:  sed  Pighiana  omnia,  vel  Ecciana  eo  tantum  nomine  exosculantur,  quia  in  nos  scripta  sunt.  Vetus  et  obsoleta  est  haec  criminatio,  non  asPighio  primum  reperta.  Nam  Augustinum  sic  olim  vexabantl)  Pelagiani,  quasi  cum  Manichaeis  sentiret.  Sed  adversus  vanam  et  futilem  maledicentiam  semper  est  veritati  parata  defensio.  Ut  a  Simone  incipiam,  quid  causae  habet  Pighius,  cur  nos  eius  discipulos  faciat?  imo  cur  eum  prorsus  nominet?  Veteres  fere  omnes  mentionem  faciunt  Simonis,  eius  quoque  errores  recensent;  sed  nullus,  quod  sciam,  tale  aliquid  [pag.  39]  prodit,  quale  hic  Pighius  iactat.  Plurima  eius  deliria  refert  Irenaeus  libro  primo;  Tertullianus2)  nonnulla.  Augustinus  vero  quaecunque  vel  legerat,  vel  audierat,  colligit.3)  De  libero  vel  servo  arbitrio,  de  necessitate  vel  fortuito  eventu  rerum,  prorsus  nihil.  Docebat,  inquit,  promiscuos  concubitus;  Deum  non  fecisse  mundum;  negabat  carnis  resurrectionem;  asserebat  se  esse  Christum,  itemque  Iovem  se  credi  volebat;  Minervam  vero  Selenem4)  quandam  meretricem;  imagines  suas  et  illius  dabat  adorandas.  Dicebat  se  in  patris  persona  legem  dedisse  Iudaeis;  sub  Tiberio  in  filii  persona  putavisse5)  apparuisse;  postea  in  linguis  igneis  super  apostolos  venisse.  Haec  sunt,  quae  Augustinus  undique  ex  aliis  collecta  redigere  in  unum  catalogum  potuit.  Quid  hic  reperiet  Pighius,  cur  nos  faciat  Simonis  discipulos?  At  non  comminiscitur.  1)  Libr.  2.  ad  Bonifacium.  2)  Ste  omnino  legendum.  Quod  princeps  habet:  ornentur,  merum  vitium  est.  1)  Vexarant  1576  seqq.  2)  Cap.  20  de  praescriptionibus  haereticorum.  S)  De  haeresibus  ad  Quodvultdeum.  4)  Gallus  bene  emendas:  et  d'une  certaine  paillarde  nommee  Helene  il  disoit  que  c'estoit  Minerve.  5)  putavisse  (il  pensoit  estre  apparu)  omittunt  Beza  et  seqq.