55:260  non  semper  passurus  sit  impiorum  proterviam  grassari.  Et  simul  denuntiat  quid  futurum  sit,  si  vitam  nostram  maleficiis  velimus  tueri:  nempe  quod  Deum  habituri  simus  nobis  adversum.  Atqui  obiici  contra  posset,  nos  longe  aliud  quotidie  experiri.  Nam  qua  quisque  iustior  est,  pacisque  amantior,  eo  magis  vexatur  a  sceleratis.  Respondeo,  neminem  adeo  esse  aequitatis  et  pacis  studiosum,  quin  peccet  interdum  aliqua  in  parte.  Sed  hoc  praecipue  observandum  est,  promissiones  huius  vitae  non  longius  extendi,  quam  quoad  nobis  expedit  praestari  quod  continent.  Saepe  ergo  turbatur  pax  nostra  cum  mundo,  ut  caro  nostra  in  Dei  obsequium  dometur,  et  alias  ob  causas,  ut  nihil  nobis  depereat.  13.  Et  quis  est  qui  vobis,  ete.  Rursus  confirmat  superiorem  sententiam  argumento  a  communi  experientia  sumpto.  Hoc  enim  ut  plurimum  usu  venit,  ut  nobis  improbi  negotium  facessant,  vel  lacessiti  a  nobis,  vel  quia  illis  demerendis  operam  non  impendimus,  ut  decebat.  Nam  qui  beneficentiae  student,  etiam  ferreos  alioqui  animos  emolliunt.  Eandem  rationem  adducit  Plato  libro  1.  de  Repub:1)  yap  TCOU  V}  ye  a8ixia  xa!  jJiCaY]  xal  |iax  ev  aAAiq  rcapexet"  Vj  Se  Stxatoauvrc  ojxovotav  xaE  cptXtav.  Hoc  est,  beditiones  et  odia  et  pugnas  iniustitia  excitat:  concordiam  vero  et  amicitiam  iustitia.  Hoc  tamen  etsi  communiter  accidit,  non  est  tamen  perpetuum.  Nam  filii  Dei  quantumvis  improbos  placare  beneficiis  studeant,  adeoque  erga  omnes  beneficos  se  praestent:  saepe  tamen  immerito  a  multis  impetuntur.  Ideo  addit  Petrus,  Si  propter  iustitiam  patiamini,  ete.  Summa  est,  fideles  ad  tranquillum  vitae  statum  obtinendum  plus  beneficiis  profecturos,  quam  violentia  et  ulciscendi  promptitudine.  Caeterum  ubi  nihil  ad  pacem  comparandam  omiserint,  si  contingat  ipsos  pati,  hoc  ipso  beatos  esse,  quia  patiuntur  propter  iustitiam.  Hoc  quidem  posterius  membrum  longe  a  carnis  nostrae  sensu  dissidet:  sed  non  temere  ita  Christus  pronuntiavit:  nec  temere  Petrus  ex  ore  magistri  recitat.  Aderit  enim  tandem  Deus  liberator,  ac  tum  palam  constabit  quod  nunc  incredibile  videtur,  felices  luisse  piorum  miserias  qui  patienter  sustinuerunt.  Pati  propter  iustitiam,  non  modo  significat  damni  aliquid  vel  incommodi  propter  bonae  causae  patrocinium  subire:  sed  iniuste  pati,  ubi  quis  innocenter  sub  timore  Dei  versatus  sit  inter  homines.  14.  Timorem  vero  eorum.  Iterum  fontem  ac  causam  impatientiae  designat  :  nempe  quod  ultra  modum  turbamur,  dum  in  nos  insurgunt  impii.  Talis  enim  consternatio  vel  nos  exanimat,  vel  de  gradu  deiicit,  vel  in  nobis  accendit  vindictae  libidinem.  Interea  non  acquiescimus  in  Dei  praesidio:  hoc  igitur  ad  turbulentos  animorum  motus  cohi-  0  Cap.  22  fin.  pag.  351  D.